Капитали 2,9 триллион сўм бўлган Деҳқонобод калий заводи хусусийлаштирилди

Қарорда айтилишича, Деҳқонобод калий комбинатининг устав фондидаги улушлари ва 100 фоиз акциялари Asian Chemical Group компаниясига ўтказилган. Завод қайси шартлар асосида хусусий қўлларга ўтказилгани ҳақида маълумот йўқ.

Капитали 2,9 триллион сўм бўлган заводни бундан 9 ой илгари – 2024 йил ноябрда очилган ҳамда бор ёғИ 10 миллион сўмлик устав капиталига эга МЧЖга хусусийлаштирилган. Завод қайси шартлар асосида хусусий қўлларга ўтказилгани ҳақида маълумот йўқ.

Uzdiplomat.uz нашрининг ёзишича, мазкур завод Президентнинг 2024 йил 26 апрелдаги қарорига мувофиқ, заводни халқаро бозорда очиқ савдо орқали хусусийлаштириш режалаштирилган эди.

1 июль ҳолатига кўра, Деҳқонобод калий заводи капитали эса 2,9 триллион сўмлиги кўрсатилган. Давлат активларини бошқариш агентлиги мазкур савдо ва хусусийлаштириш натижаларини ҳақидаги хабарларга расмий изоҳ бермади.

Завод 2007 йилда 128,2 миллион долларга, кредитлар эвазига қурилган. Қарзнинг 61,7 миллион долларини Тикланиш ва тараққиёт жамғармаси, 41,7 миллион долларини Хитой Эксимбанк берган. 24,8 миллион доллар кредит Кимё саноати корхоналарини ривожлантириш ва қўллаб-қувватлаш жамғармаси томонидан ажратилган. Заводнинг 2024 йилдаги соф фойдаси 44,8 миллиард сўмни (3,5 миллион доллар атрофида) ташкил этган.

Корхонада калий хлорид, саноат тузи, суюқ керосин ва бошқа маҳсулотлар ишлаб чиқарилади.

Йирик завод неча пулга, қайси шартлар асосида хусусий қўлларга ўтказилгани жамоатчиликка маълум эмас.

“Давактив агентлиги кимё саноати корхоналарини хусусийлаштириш ва ислоҳ қилиш дастурига мувофиқ Деҳқонобод калий заводи АЖ устав капиталидаги давлат акциялар пакетини 2024 йил якунига қадар хусусийлаштириш жараёнини якунласин”, — дейилган қарорда.

Daryo.uz нашрининг ёзишича, Деҳқонобод калий заводи Ўзбекистонда очиқ ва шаффоф савдоларсиз сотилаётган биринчи йирик давлат активи эмас. Бундан аввал ҳам қатор активлар яширин тарзда хусусийлаштирилгани айтиб келинади. Масалан, “Қизилқумсемент” , UNG Petro заправкалар тармоғи, Чиноз нефтни қайта ишлаш заводи , Ангрен шина заводи, Фарғона нефтни қайта ишлаш заводи ва бошқалар.