Kapitali 2,9 trillion soʻm boʻlgan Dehqonobod kaliy zavodi xususiylashtirildi

Qarorda aytilishicha, Dehqonobod kaliy kombinatining ustav fondidagi ulushlari va 100 foiz aksiyalari Asian Chemical Group kompaniyasiga oʻtkazilgan. Zavod qaysi shartlar asosida xususiy qoʻllarga oʻtkazilgani haqida maʼlumot yoʻq.

Kapitali 2,9 trillion soʻm boʻlgan zavodni bundan 9 oy ilgari – 2024 yil noyabrda ochilgan hamda bor yogʻI 10 million soʻmlik ustav kapitaliga ega MChJga xususiylashtirilgan. Zavod qaysi shartlar asosida xususiy qoʻllarga oʻtkazilgani haqida maʼlumot yoʻq.

Uzdiplomat.uz nashrining yozishicha, mazkur zavod Prezidentning 2024 yil 26 apreldagi qaroriga muvofiq, zavodni xalqaro bozorda ochiq savdo orqali xususiylashtirish rejalashtirilgan edi.

1 iyul holatiga koʻra, Dehqonobod kaliy zavodi kapitali esa 2,9 trillion soʻmligi koʻrsatilgan. Davlat aktivlarini boshqarish agentligi mazkur savdo va xususiylashtirish natijalarini haqidagi xabarlarga rasmiy izoh bermadi.

Zavod 2007 yilda 128,2 million dollarga, kreditlar evaziga qurilgan. Qarzning 61,7 million dollarini Tiklanish va taraqqiyot jamgʻarmasi, 41,7 million dollarini Xitoy Eksimbank bergan. 24,8 million dollar kredit Kimyo sanoati korxonalarini rivojlantirish va qoʻllab-quvvatlash jamgʻarmasi tomonidan ajratilgan. Zavodning 2024 yildagi sof foydasi 44,8 milliard soʻmni (3,5 million dollar atrofida) tashkil etgan.

Korxonada kaliy xlorid, sanoat tuzi, suyuq kerosin va boshqa mahsulotlar ishlab chiqariladi.

Yirik zavod necha pulga, qaysi shartlar asosida xususiy qoʻllarga oʻtkazilgani jamoatchilikka maʼlum emas.

“Davaktiv agentligi kimyo sanoati korxonalarini xususiylashtirish va isloh qilish dasturiga muvofiq Dehqonobod kaliy zavodi AJ ustav kapitalidagi davlat aksiyalar paketini 2024 yil yakuniga qadar xususiylashtirish jarayonini yakunlasin”, — deyilgan qarorda.

Daryo.uz nashrining yozishicha, Dehqonobod kaliy zavodi Oʻzbekistonda ochiq va shaffof savdolarsiz sotilayotgan birinchi yirik davlat aktivi emas. Bundan avval ham qator aktivlar yashirin tarzda xususiylashtirilgani aytib kelinadi. Masalan, “Qizilqumsement” , UNG Petro zapravkalar tarmogʻi, Chinoz neftni qayta ishlash zavodi , Angren shina zavodi, Fargʻona neftni qayta ishlash zavodi va boshqalar.