Ўзбекистонда пенсия ёшини ошириш режалаштирилмоқда

Лойиҳага кўра, 2028 йил 1 январдан пенсия ёшини ҳар йили 3 ойдан ошириб бориш таклиф этилмоқда. Натижада 2039 йилга бориб пенсия ёши:

🔵эркаклар учун — 63 ёш;
🔵аёллар учун — 58 ёш этиб белгиланиши мумкин.

Шунингдек, 2027 йилдан пенсия тайинлаш учун талаб этиладиган энг кам иш стажини ҳозирги 7 йилдан ҳар йили бир йилга ошириб, 2034 йилда 15 йилга етказиш таклиф қилинган. Етарли иш стажига эга бўлмаган фуқароларнинг белгиланган пенсия ёшидан 5 йил ўтгач ёшга доир нафақа олиш ҳуқуқи сақланиб қолади.

Пенсия ёши ошириладиган даврда фуқарони пенсияолди ёши сабабли ишдан бўшатиш ёки ишга қабул қилишни рад этишга йўл қўйилмаслиги, ишсиз деб эътироф этилганлар учун эса 2 йил олдин муддатидан аввал пенсияга чиқиш ҳуқуқи сақланиши назарда тутилган.

Ҳужжат ҳозирча лойиҳа бўлиб, ундаги таклифлар якуний қарор эмас.