ЯНГИ АВЛОД БИЗНЕСИНИ ШАКЛЛАНТИРАЁТГАН РАҚАМЛИ ШЕРИК

Биз компания директори Сардорбек Ризаев билан суҳбатлашиб, улар мижозлар эътирофини қандай қозонаётгани ва дастурий таъминот соҳасида нуфузли мукофотларни қандай қўлга киритаётгани ҳақида сўрадик.

-Сардорбек, Support Solutions корхонасининг миссияси ҳақида гапириб берсангиз.

-Бизнинг асосий миссиямиз – мижозларимиз бизнесининг ўсишини тезлаштирувчи индивидуал рақамли ечимларни яратишдан иборат. Биз юқори малакали мутахассислар, дастурчилар, дизайнерлар, лойиҳа менежерлари ва маркетинг бўйича экспертлардан иборат жамоани йиғамиз. Мақсадимиз – техник талабларни қондириш билан бирга, маҳсулот сифати ва функционаллиги бўйича мижоз кутганидан ҳам юқори натижани тақдим этиш.

-Сиз қайси йўналишларни энг истиқболли деб ҳисоблайсиз?

- Бугунги кунда асосий эътиборимиз қуйидаги йўналишларни ўз ичига олади: веб-ишланмалар, мобил иловалар яратиш, самарали ва интуитив UI/UX дизайн ишлаб чиқиш, шунингдек, махсус технологик ечимлар, жумладан телеграм ботлар ва автоматлаштирилган CRM тизимлари.

Бу йўналишларнинг ҳар бирида бизда муваффақиятли лойиҳалар мавжуд бўлиб, улар нуфузли халқаро танловлар ва кўргазмаларда эътироф этилиб, мукофотларга сазовор бўлган. Бу эса жамоамизнинг юқори даражадаги профессионаллиги ва инновацион ёндашувини тасдиқлайди.

Веб-ишланмалар соҳасида биз оддий ечимлардан тортиб, учинчи томон тизимлари ва сервисларини интеграция қилган мураккаб веб-платформаларгача таклиф этамиз. Бу ерда барқарорлик, хавфсизлик ва ишлаш тезлигига алоҳида эътибор қаратамиз.

Мобил дастурлар яратишда биз кроссплатформа ечимлари ва Android ҳамда iOS қурилмалари учун мўлжалланган натив иловаларга урғу берамиз, бу эса фойдаланувчилар учун максимал қулай ва силлиқ тажриба яратади.

UI/UX дизайни биз учун ҳар қандай маҳсулотнинг ажралмас қисми ҳисобланади. Биз фойдаланувчилар эҳтиёжларини чуқур ўрганиб, нафақат эстетик, балки интуитив тушунарли интерфейслар яратамиз, бу эса юқори конверсия ва мижозлар қониқишини кафолатлайди.

Биз ишлаб чиқаётган телеграм ботлар мижозларимизга аудитория билан мулоқотни автоматлаштириш, иш жараёнларини оптималлаштириш ва ходимлар вақтини тежаш имконини беради. Ушбу ботлар турли бизнес вазифаларида тўлақонли рақамли ёрдамчига айланади.

Ваниҳоят, бизнинг автоматлаштирилган CРМ тизимларимиз корхоналарга мижозлар билан муносабатларни самарали бошқариш, маълумотларни таҳлил қилиш ва аниқ ҳамда тезкор маълумотларга асосланган оқилона қарорлар қабул қилиш имконини беради.

Доимий инновациялар ва бозор эҳтиёжларини аниқ тушуниш орқали Support Solutions компанияси рақамли трансформация соҳасида ўз мавқейини мустаҳкамлаб, етакчилик обрўсини яна бир бор тасдиқламоқда.

-Муваффақиятли лойиҳаларингиздан мисоллар келтира оласизми?

-Албатта. Масалан, яқинда ресторан бизнесини автоматлаштириш бўйича лойиҳамиз кичик бизнесни рақамлаштириш йўналишида “Энг яхши ечим” мукофотини қўлга киритди.

Шунингдек, биз HR жараёнларини автоматлаштиришга мўлжалланган дастур ишлаб чиқдик, бу эса кадрлар бўлими ишини сезиларли даражада соддалаштирди.

Энг фахрланадиган иккита йирик лойиҳамиз бу – Ўзбекистон давлат ташкилотлари билан яқин ҳамкорликда амалга оширилган “Божхона базаси” тизими ҳамда компания ресурсларини самарали бошқариш ва B2B мижозлар билан ўзаро алоқадорлик самарадорлигини оширишга қаратилган CРМ тизимимиздир.

“Божхона базаси” тизими божхона назорати жараёнларининг шаффофлиги ва тезлигини сезиларли даражада оширди, шунингдек, давлат миқёсидаги таъминот занжири бошқарувини оптималлаштирди.

Бундан ташқари, бизнинг CRM тизимимиз бизнесга ички ресурслардан янада оқилона фойдаланиш, иш жараёнларини соддалаштириш ва корпоратив мижозлар билан самарали муносабатлар ўрнатиш имконини беради.

-Ушбу муваффақиятли тизимлар консепсияси қандай шаклланган?

-Консепсия, айтиш мумкинки, йиллар давомида пухта кўринишга келган. Ҳар тизим мураккаб механизмга эга бўлиб, маълум бир соҳа экспертизасини талаб қилган. Бошқача айтганда, муваффақиятли CRM тизимини фақат дастурчилар билимига асосланиб яратиш мумкин, албатта. Бироқ, агар тизим маълум бир соҳа эҳтиёжларини тўлиқ қондириши керак бўлса, бу ерда чуқур тармоқ тажрибасисиз бўлмайди.

Бизнинг тизимларимиз мисолида тушунтираман. Ўзбекистоннинг логистика корхоналари учун CRM тизимини ишлаб чиқиш жараёнида биз техник мураккабликка дуч келдик, соҳа оғриқли нуқталари ва муаммолари ҳақида тасаввуримиз бор эди, лекин бу муаммони бутунлай бартараф эта оладиган аниқ техник ечим йўқ эди.

Шу сабабли биз бозорга мурожаат қилдик ва ўша вақтда аллақачон ишлаётган тизим – “Инвентуз” модулига эътибор қаратдик. Бу илғор инновацион ечим бўлиб, унинг муаллифи таъминот занжирларини бошқариш ва оптималлаштириш соҳасидаги эксперт - Салихов Соҳибхон ҳисобланади.

Бугунги кунда ушбу модул Ўзбекистонда мавжуд энг инқилобий маҳсулотлардан бири саналади ва логистика, омбор ва таъминот занжирлари билан шуғулланувчи компаниялар томонидан фаол қўлланилмоқда. Мазкур ақлли калкулятор омбордаги оптимал захира даражаларини автоматик тарзда ҳисоблайди, буюртманинг мақбул ҳажми ва қайта буюртма нуқтасини аниқлайди.

Ушбу модулни жорий этиш орқали мижозларимиз маҳсулотларни сақлаш харажатларини сезиларли даражада қисқартиришга ва маҳсулот танқислиги хавфини камайтиришга эришдилар, бу натижалар бизнес учун ҳам, давлат ташкилотлари учун ҳам ижобий таъсир кўрсатди.

2024 йилда биз “Инвентуз” модулининг яратувчиси Салихов Соҳибхон билан икки томонлама литсензия шартномасини имзоладик ва модулни ўз CRM тизимларимиз архитектурасига муваффақиятли интеграция қилдик.

Ушбу модул жорий этилгач, кўплаб мижозларимиз маҳсулотларни сақлаш билан боғлиқ харажатларни сезиларли камайтиришга, маҳсулот танқислиги хавфини эса деярли йўқ қилишга эришдилар, бу эса нафақат бир қатор тижорат компаниялари фаолиятига, балки давлат муассасалари ишига ҳам ижобий таъсир кўрсатди.

Захираларни самарали бошқариш эса бевосита харажатларни камайтириш, режалаштириш аниқлигини ошириш, оператсион самарадорликни кучайтириш ва кўрсатиладиган хизматлар сифатини яхшилашга олиб келади.

Яна бир муҳим ҳамкорлик намунаси бу – “TISROYN” модулининг жорий этилиши бўлди. Ушбу модул B2B CRM тизимининг махсус компоненти бўлиб, маркетинг ва B2B савдоси бўйича юқори даражадаги экспертизага эга етакчи консалтинг компания - “Pro Sales Group” томонидан ишлаб чиқилган. Модул бизнинг иш фаолиятимизга мослаштирилиб, мижозлар билан ўзаро алоқаларни сезиларли даражада яхшилаш, савдо жараёнларини тизимлаштириш ҳамда ички коммуникатсия самарадорлигини оширишга хизмат қилди.

-Сизнингча, йирик ташкилотлар билан муваффақиятли ҳамкорлик сири нимада?

Менимча, муваффақият калити, бу мижоз эҳтиёжларини чуқур англаш ва ҳақиқатан ҳам уларнинг бизнес муаммоларини самарали ҳал қиладиган ечимни таклиф қила олишдир. Муҳими, фақат сифатли маҳсулот яратиш эмас, балки уни мижознинг мавжуд иш жараёнларига тўғри интеграция қилишдир. Айнан шу ёндашув бизни бозорнинг бошқа иштирокчиларидан ажратиб туради.

-Support Solutions компаниясининг келажак режалари қандай?

Биз рақамли трансформация ва бизнесни автоматлаштириш соҳасидаги тажрибамизни янада ривожлантиришда фаол бўлишни режалаштирмоқдамиз. Мақсадимиз - бозорга энг юқори халқаро стандартларга мос инновацион ечимларни таклиф этиш.

Яқин йилларда стратегик эътиборимиз компания фаолияти географиясини кенгайтиришга қаратилади. Хусусан, АҚШ ва Европадаги истиқболли бозорларимиздаги позитсияларни мустаҳкамлаш режалаштирилган.

Ушбу ҳудудларда биз муваффақиятли лойиҳалар сонини кўпайтириш ва муҳим ҳамкорликларни ривожлантиришни мақсад қилганмиз.

Халқаро кенгайиш билан бир қаторда, биз Ўзбекистондаги мутахассислар жамоамизни кенгайтиришга ҳам алоҳида эътибор қаратмоқдамиз, энг яхши мутахассисларни жалб этамиз ва уларнинг малакасини оширишга интиламиз. Ишонамизки, муваффақиятнинг асосий омили бу - бизнинг ходимларимиз. Шу сабабли уларнинг касбий ўсиши ва ривожланишига фаол сармоя киритамиз.

Бизнинг глобал мақсадимиз, бизнес учун ишончли ва синовдан ўтган рақамли ҳамкор бўлиб қолиш, мижозларимизга келажакни бугундан яратишда ёрдам бериш. Ҳар бир Support Solutions лойиҳаси нафақат мижозларнинг жорий эҳтиёжларини қондириши, балки уларнинг кутганидан ҳам ортиқ бўлиши ва бизнесни ривожлантириш ҳамда гуллаб-яшнаши учун янги имкониятлар очиши керак.

Support Solutions компанияси ўзининг стратегик ёндашуви, юқори сифат стандартлари ва мижозга индивидуал ёндашуви орқали бизнесни янги босқичга олиб чиқиш мумкинлигини исботлади. Жамоага катта муваффақиятлар ва янги, аҳамиятли лойиҳаларни тилаймиз!

Бахтиёр Аҳмедов суҳбатлашди.