YaNGI AVLOD BIZNESINI ShAKLLANTIRAYoTGAN RAQAMLI ShERIK

Biz kompaniya direktori Sardorbek Rizayev bilan suhbatlashib, ular mijozlar eʼtirofini qanday qozonayotgani va dasturiy taʼminot sohasida nufuzli mukofotlarni qanday qoʻlga kiritayotgani haqida soʻradik.

-Sardorbek, Support Solutions korxonasining missiyasi haqida gapirib bersangiz.

-Bizning asosiy missiyamiz – mijozlarimiz biznesining oʻsishini tezlashtiruvchi individual raqamli yechimlarni yaratishdan iborat. Biz yuqori malakali mutaxassislar, dasturchilar, dizaynerlar, loyiha menejerlari va marketing boʻyicha ekspertlardan iborat jamoani yigʻamiz. Maqsadimiz – texnik talablarni qondirish bilan birga, mahsulot sifati va funksionalligi boʻyicha mijoz kutganidan ham yuqori natijani taqdim etish.

-Siz qaysi yoʻnalishlarni eng istiqbolli deb hisoblaysiz?

- Bugungi kunda asosiy eʼtiborimiz quyidagi yoʻnalishlarni oʻz ichiga oladi: veb-ishlanmalar, mobil ilovalar yaratish, samarali va intuitiv UI/UX dizayn ishlab chiqish, shuningdek, maxsus texnologik yechimlar, jumladan telegram botlar va avtomatlashtirilgan CRM tizimlari.

Bu yoʻnalishlarning har birida bizda muvaffaqiyatli loyihalar mavjud boʻlib, ular nufuzli xalqaro tanlovlar va koʻrgazmalarda eʼtirof etilib, mukofotlarga sazovor boʻlgan. Bu esa jamoamizning yuqori darajadagi professionalligi va innovatsion yondashuvini tasdiqlaydi.

Veb-ishlanmalar sohasida biz oddiy yechimlardan tortib, uchinchi tomon tizimlari va servislarini integratsiya qilgan murakkab veb-platformalargacha taklif etamiz. Bu yerda barqarorlik, xavfsizlik va ishlash tezligiga alohida eʼtibor qaratamiz.

Mobil dasturlar yaratishda biz krossplatforma yechimlari va Android hamda iOS qurilmalari uchun moʻljallangan nativ ilovalarga urgʻu beramiz, bu esa foydalanuvchilar uchun maksimal qulay va silliq tajriba yaratadi.

UI/UX dizayni biz uchun har qanday mahsulotning ajralmas qismi hisoblanadi. Biz foydalanuvchilar ehtiyojlarini chuqur oʻrganib, nafaqat estetik, balki intuitiv tushunarli interfeyslar yaratamiz, bu esa yuqori konversiya va mijozlar qoniqishini kafolatlaydi.

Biz ishlab chiqayotgan telegram botlar mijozlarimizga auditoriya bilan muloqotni avtomatlashtirish, ish jarayonlarini optimallashtirish va xodimlar vaqtini tejash imkonini beradi. Ushbu botlar turli biznes vazifalarida toʻlaqonli raqamli yordamchiga aylanadi.

Vanihoyat, bizning avtomatlashtirilgan CRM tizimlarimiz korxonalarga mijozlar bilan munosabatlarni samarali boshqarish, maʼlumotlarni tahlil qilish va aniq hamda tezkor maʼlumotlarga asoslangan oqilona qarorlar qabul qilish imkonini beradi.

Doimiy innovatsiyalar va bozor ehtiyojlarini aniq tushunish orqali Support Solutions kompaniyasi raqamli transformatsiya sohasida oʻz mavqeyini mustahkamlab, yetakchilik obroʻsini yana bir bor tasdiqlamoqda.

-Muvaffaqiyatli loyihalaringizdan misollar keltira olasizmi?

-Albatta. Masalan, yaqinda restoran biznesini avtomatlashtirish boʻyicha loyihamiz kichik biznesni raqamlashtirish yoʻnalishida “Eng yaxshi yechim” mukofotini qoʻlga kiritdi.

Shuningdek, biz HR jarayonlarini avtomatlashtirishga moʻljallangan dastur ishlab chiqdik, bu esa kadrlar boʻlimi ishini sezilarli darajada soddalashtirdi.

Eng faxrlanadigan ikkita yirik loyihamiz bu – Oʻzbekiston davlat tashkilotlari bilan yaqin hamkorlikda amalga oshirilgan “Bojxona bazasi” tizimi hamda kompaniya resurslarini samarali boshqarish va B2B mijozlar bilan oʻzaro aloqadorlik samaradorligini oshirishga qaratilgan CRM tizimimizdir.

“Bojxona bazasi” tizimi bojxona nazorati jarayonlarining shaffofligi va tezligini sezilarli darajada oshirdi, shuningdek, davlat miqyosidagi taʼminot zanjiri boshqaruvini optimallashtirdi.

Bundan tashqari, bizning CRM tizimimiz biznesga ichki resurslardan yanada oqilona foydalanish, ish jarayonlarini soddalashtirish va korporativ mijozlar bilan samarali munosabatlar oʻrnatish imkonini beradi.

-Ushbu muvaffaqiyatli tizimlar konsepsiyasi qanday shakllangan?

-Konsepsiya, aytish mumkinki, yillar davomida puxta koʻrinishga kelgan. Har tizim murakkab mexanizmga ega boʻlib, maʼlum bir soha ekspertizasini talab qilgan. Boshqacha aytganda, muvaffaqiyatli CRM tizimini faqat dasturchilar bilimiga asoslanib yaratish mumkin, albatta. Biroq, agar tizim maʼlum bir soha ehtiyojlarini toʻliq qondirishi kerak boʻlsa, bu yerda chuqur tarmoq tajribasisiz boʻlmaydi.

Bizning tizimlarimiz misolida tushuntiraman. Oʻzbekistonning logistika korxonalari uchun CRM tizimini ishlab chiqish jarayonida biz texnik murakkablikka duch keldik, soha ogʻriqli nuqtalari va muammolari haqida tasavvurimiz bor edi, lekin bu muammoni butunlay bartaraf eta oladigan aniq texnik yechim yoʻq edi.

Shu sababli biz bozorga murojaat qildik va oʻsha vaqtda allaqachon ishlayotgan tizim – “Inventuz” moduliga eʼtibor qaratdik. Bu ilgʻor innovatsion yechim boʻlib, uning muallifi taʼminot zanjirlarini boshqarish va optimallashtirish sohasidagi ekspert - Salixov Sohibxon hisoblanadi.

Bugungi kunda ushbu modul Oʻzbekistonda mavjud eng inqilobiy mahsulotlardan biri sanaladi va logistika, ombor va taʼminot zanjirlari bilan shugʻullanuvchi kompaniyalar tomonidan faol qoʻllanilmoqda. Mazkur aqlli kalkulyator ombordagi optimal zaxira darajalarini avtomatik tarzda hisoblaydi, buyurtmaning maqbul hajmi va qayta buyurtma nuqtasini aniqlaydi.

Ushbu modulni joriy etish orqali mijozlarimiz mahsulotlarni saqlash xarajatlarini sezilarli darajada qisqartirishga va mahsulot tanqisligi xavfini kamaytirishga erishdilar, bu natijalar biznes uchun ham, davlat tashkilotlari uchun ham ijobiy taʼsir koʻrsatdi.

2024 yilda biz “Inventuz” modulining yaratuvchisi Salixov Sohibxon bilan ikki tomonlama litsenziya shartnomasini imzoladik va modulni oʻz CRM tizimlarimiz arxitekturasiga muvaffaqiyatli integratsiya qildik.

Ushbu modul joriy etilgach, koʻplab mijozlarimiz mahsulotlarni saqlash bilan bogʻliq xarajatlarni sezilarli kamaytirishga, mahsulot tanqisligi xavfini esa deyarli yoʻq qilishga erishdilar, bu esa nafaqat bir qator tijorat kompaniyalari faoliyatiga, balki davlat muassasalari ishiga ham ijobiy taʼsir koʻrsatdi.

Zaxiralarni samarali boshqarish esa bevosita xarajatlarni kamaytirish, rejalashtirish aniqligini oshirish, operatsion samaradorlikni kuchaytirish va koʻrsatiladigan xizmatlar sifatini yaxshilashga olib keladi.

Yana bir muhim hamkorlik namunasi bu – “TISROYN” modulining joriy etilishi boʻldi. Ushbu modul B2B CRM tizimining maxsus komponenti boʻlib, marketing va B2B savdosi boʻyicha yuqori darajadagi ekspertizaga ega yetakchi konsalting kompaniya - “Pro Sales Group” tomonidan ishlab chiqilgan. Modul bizning ish faoliyatimizga moslashtirilib, mijozlar bilan oʻzaro aloqalarni sezilarli darajada yaxshilash, savdo jarayonlarini tizimlashtirish hamda ichki kommunikatsiya samaradorligini oshirishga xizmat qildi.

-Sizningcha, yirik tashkilotlar bilan muvaffaqiyatli hamkorlik siri nimada?

Menimcha, muvaffaqiyat kaliti, bu mijoz ehtiyojlarini chuqur anglash va haqiqatan ham ularning biznes muammolarini samarali hal qiladigan yechimni taklif qila olishdir. Muhimi, faqat sifatli mahsulot yaratish emas, balki uni mijozning mavjud ish jarayonlariga toʻgʻri integratsiya qilishdir. Aynan shu yondashuv bizni bozorning boshqa ishtirokchilaridan ajratib turadi.

-Support Solutions kompaniyasining kelajak rejalari qanday?

Biz raqamli transformatsiya va biznesni avtomatlashtirish sohasidagi tajribamizni yanada rivojlantirishda faol boʻlishni rejalashtirmoqdamiz. Maqsadimiz - bozorga eng yuqori xalqaro standartlarga mos innovatsion yechimlarni taklif etish.

Yaqin yillarda strategik eʼtiborimiz kompaniya faoliyati geografiyasini kengaytirishga qaratiladi. Xususan, AQSh va Yevropadagi istiqbolli bozorlarimizdagi pozitsiyalarni mustahkamlash rejalashtirilgan.

Ushbu hududlarda biz muvaffaqiyatli loyihalar sonini koʻpaytirish va muhim hamkorliklarni rivojlantirishni maqsad qilganmiz.

Xalqaro kengayish bilan bir qatorda, biz Oʻzbekistondagi mutaxassislar jamoamizni kengaytirishga ham alohida eʼtibor qaratmoqdamiz, eng yaxshi mutaxassislarni jalb etamiz va ularning malakasini oshirishga intilamiz. Ishonamizki, muvaffaqiyatning asosiy omili bu - bizning xodimlarimiz. Shu sababli ularning kasbiy oʻsishi va rivojlanishiga faol sarmoya kiritamiz.

Bizning global maqsadimiz, biznes uchun ishonchli va sinovdan oʻtgan raqamli hamkor boʻlib qolish, mijozlarimizga kelajakni bugundan yaratishda yordam berish. Har bir Support Solutions loyihasi nafaqat mijozlarning joriy ehtiyojlarini qondirishi, balki ularning kutganidan ham ortiq boʻlishi va biznesni rivojlantirish hamda gullab-yashnashi uchun yangi imkoniyatlar ochishi kerak.

Support Solutions kompaniyasi oʻzining strategik yondashuvi, yuqori sifat standartlari va mijozga individual yondashuvi orqali biznesni yangi bosqichga olib chiqish mumkinligini isbotladi. Jamoaga katta muvaffaqiyatlar va yangi, ahamiyatli loyihalarni tilaymiz!

Baxtiyor Ahmedov suhbatlashdi.