Эронлик қизлар орасида бурун бинтлаб юриш нима сабабдан оммалашган?

Маълум бўлишича, Эронда бу манзара одатий ҳолга айланиб бўлган. Қизлар бу бандажни бурунни тузатиш бўйича пластик операциядан (ринопластика) кейин тақишади. Мамлакатда бундай операциялар шу қадар кенг тарқалганки, ҳар куни ўнлаб бандажли аёлларни учратиш табиий ҳол саналади.

Қизиқ жиҳати шундаки, Эрон ринопластика бўйича дунёда биринчи ўринда туради. Мутахассислар буни эронлик аёлларнинг ташқи қиёфадаги айрим генетик хусусиятлар — хусусан, бурундаги донгаликдан норози бўлишлари билан изоҳлайди. Кўпчилик аёллар бу донгаликни текислаштириш мақсадида операция қилдиришни маъқул кўради.

Шу билан бирга, яна бир ноодатий ҳолат кузатилади: баъзи қизлар операцияга пул топа олмагани учун, шунчаки бинтни тақлид сифатида тақиб юрадилар. Бу уларнинг жамиятда “юқори табақага мансуб”, замонавий ва бой кўринишга интилишидир. Бироқ, албатта, бу ёлғон бир кун келиб ошкора бўлиши турган гап.

Эрондаги мазкур ҳолат пластик хирургиянинг жамиятда қай даражада урф бўлиб кетганини ва ташқи кўриниш орқали мавқе белгилашга уриниш қай даражада кучайганини яна бир бор кўрсатади.