Eronlik qizlar orasida burun bintlab yurish nima sababdan ommalashgan?

Maʼlum boʻlishicha, Eronda bu manzara odatiy holga aylanib boʻlgan. Qizlar bu bandajni burunni tuzatish boʻyicha plastik operatsiyadan (rinoplastika) keyin taqishadi. Mamlakatda bunday operatsiyalar shu qadar keng tarqalganki, har kuni oʻnlab bandajli ayollarni uchratish tabiiy hol sanaladi.

Qiziq jihati shundaki, Eron rinoplastika boʻyicha dunyoda birinchi oʻrinda turadi. Mutaxassislar buni eronlik ayollarning tashqi qiyofadagi ayrim genetik xususiyatlar — xususan, burundagi dongalikdan norozi boʻlishlari bilan izohlaydi. Koʻpchilik ayollar bu dongalikni tekislashtirish maqsadida operatsiya qildirishni maʼqul koʻradi.

Shu bilan birga, yana bir noodatiy holat kuzatiladi: baʼzi qizlar operatsiyaga pul topa olmagani uchun, shunchaki bintni taqlid sifatida taqib yuradilar. Bu ularning jamiyatda “yuqori tabaqaga mansub”, zamonaviy va boy koʻrinishga intilishidir. Biroq, albatta, bu yolgʻon bir kun kelib oshkora boʻlishi turgan gap.

Erondagi mazkur holat plastik xirurgiyaning jamiyatda qay darajada urf boʻlib ketganini va tashqi koʻrinish orqali mavqe belgilashga urinish qay darajada kuchayganini yana bir bor koʻrsatadi.