Испаниянинг Сеута анклавига 72 минг муҳожир бостириб кирган

«Европа Иттифоқи ички ишлар вазирларининг Сеутадаги оммавий чегара босқинини муҳокама қилишга бағишланган учрашуви конструктив руҳда ўтди ва аъзо давлатлар Мадриднинг “тезкор ҳамда самарали” муносабатини эътироф этди», — деди Испания ички ишлар вазири Фернандо Гранде-Марласка 4 август куни журналистларга.

Гранде-Марласканинг айтишича, Сеутага кирган 72 000 муҳожирдан 70 000 нафари шаҳарни тарк этган ва Шенген ҳудуди дахлсизлиги ҳеч қачон бузилмаган, чунки ушбу Шимолий Африка анклави келишувга киритилмаган.

«Биз Испанияга 72 000 киши ноқонуний кирганини ва 70 000 нафари аллақачон чиқиб кетганини аниқладик», — деди Гранде-Марласка Европа Иттифоқидаги ҳамкасблари билан видеомулоқотдан сўнг Мадридда ўтказилган матбуот анжуманида.

Шунингдек, у аввалги 50 000 киши келгани ҳақидаги маълумотга аниқлик киритди.