Москвада “Crocus City Hall”даги ҳужум бўйича суд жараёни бошланди. Асосий айбдор сифатида тожикистонликлар кўрилмоқда

Қайд этилишича, судга 19 киши жалб қилинган. Улардан тўрт нафари тўғридан-тўғри ҳужумни амалга оширганликда гумон қилинаётган бўлса, 15 нафари уларни яширган ёки уларга ёрдам берганликда айбланмоқда. Улардан бири жиноятчиларни яшириш учун уйини яшашга ижарага берган.

Маълум бўлишича, тергов икки хил версияда олиб борилмоқда. Бири “Исломий давлат — Хуросон вилояти”* гуруҳи уюштирган деб тахмин қилинаётган бўлса, иккинчи версияда Украина олий раҳбарияти томонидан амалга оширилгани тахмин қилинмоқда. Ҳужумга деярли бир йил бўлган бўлса-да ҳали ҳам ташкилотчилар аниқланмаган.

BBC'нинг ёзишича, асосий айбланувчиларнинг тўрт нафари ҳам Тожикистон фуқаролари: Далержон Мирзоэв, Саидакрами Ражабали, Шамсиддин Фаридуний ва Муҳаммадсобир Файзов. Уларнинг ёши 20 дан 30 ёши.

Ҳужум 2024 йил  март ойида кечқурун содир бўлган эди. Крокусда ўша вақтда “Пикник” гуруҳи концерти бўлиши керак эди. Томошабинлар концертдаги ўринларини эгаллаётган бир пайтда, тўрт қуролланган шахс “Crocus Expo”нинг 14-павильонига автомобилда етиб келган.

Расмий маълумотларга кўра, ҳужум 147 киши ҳалок бўлган, 300 дан ортиғи тан жароҳати олган, яна уч киши бедарак йўқолган. Бу воқеа Россия тарихидаги энг кўп қурбон қилган террор ҳужумларидан бири бўлди.

Тергов маълумотларига кўра, 31 ёшли Далержон Мирзоев ушбу ҳужумнинг асосий ижрочиларидан бири бўлган ва хорижда яширинаётган ташкилотчиларнинг кўрсатмаси асосида ҳаракат қилган. Унинг радикаллашувига оид ягона далил — акасининг бир неча йил аввал Сурияга бориб, “Исломий давлат”* сафида жанг қилгани ва ҳалок бўлган.

Тўрт айбланувчининг уч нафари оилали бўлган. Улар оддий соҳаларда меҳнат қилган. Кимдир таксичилик қилган, бошқаси завод ёки қурилишда ишлаган. 20 ёш энг ёш айбланувчи Муҳаммадсобир Файзов Иваново вилоятида сартарош сифатида ишлаб, ойлигини Тожикистондаги оиласига юбориб турган.

Иш материалларида айтилишича, унинг катта акаси ижрочилар ва ташкилотчилар ўртасида воситачи бўлган, бироқ у айбланувчилар курсисида йўқ - у қидирувга эълон қилинган. Жабрланувчиларнинг адвокати катта Файзов Туркияда яшириниб яшамоқда.

Ҳуқуқ-тартибот органлари "ёрдамчилар" деб айтаётган яна йигирмага яқин киши ишга жалб этилган. Уларнинг айримлари ҳамон қидирувда бўлса, яна бир нечтаси чет элда қамоққа олинган.

Расмий айбловга кўра, икки нафар ташкилотчи аниқланган. Ҳозирча бу шахслар Россия “Хуросон вилояти”* гуруҳи номидан учта террорчи ҳужра тузган, қолган айбланувчиларни радикал қарашларга эркин ғоялар билан алдаб, ҳужумга ундаган.

Икки киши — Ингушетиялик Хусен Медов ва Жаброил Аушов — қуролни жанговар ҳолга келтиришда айбланмоқда.

Беш киши — Шахромжон Гадоев, Зубайдулло Исмоилов, Хусайн Ҳамидов ва Солиевлар (Умиджон ва Мустаким) — ҳужумчилар учун қурол ва ўқ-дориларни етказиб беришда  айбланмоқда. Улар Доғистонда қўлга олинган.

Маълум бўлишича, яна тўрт киши уларга ёрдам кўрсатганликда айбланмоқда. Уч фарзанди бор Ёқубжон Давлатхон Юсуфзода  ҳужумчилар учун яшашга ижара тўловларини тўлашда ёрдам бериб келган.  

Алишер Қосимов исмли шахс ўзига тегишли хонадонни жиноятчиларга ижарага берган.

Яна уч киши — Исроил Исломов ва унинг икки ўғли Дилор ва Аминжон — телевизорда ҳужумчиларнинг “Рено” машинасида қочаётганини кўриб, ушбу автомобилни бир неча кун аввал сотганини тан олиб, полицияга мурожаат қилган. Шунга қараб, ҳимоя ҳужумга ёрдам берганликда айбланмоқда.

Суд ҳукми ҳали эълон қилинмаган, бироқ барча айбланувчилар аллақачон Россияда террорчилар рўйхатига киритиб бўлинган.