Россиялик депутатлар мигрант аёллар учун пулли туғруқни жорий қилишни таклиф қилди

Давлат Думаси депутати Сергей Миронов муҳожир аёлларнинг текин туғилишини тақиқлаш тарафдори бўлиб, бу соғлиқни сақлаш ва солиқ тўловчилар юкини камайтиради деб ҳисобламоқда.

Инсон ҳуқуқлари кенгаши аъзоси Крилл Кабанов эса пуллик бола туғиш ташаббуси мамлакатдаги самарасиз миграция сиёсати муаммосидан чалғитишга уриниш эканлигини айтмоқда.

Депутат Михаил Матаев айтишича, Россия сўнгги беш йил ичида хорижликларга шошилинч тиббий ёрдам кўрсатиш, жумладан, туғруқ учун 66 миллиард рублдан ортиқ маблағ сарфлаган. Россия қонунчилиги давлат туғуруқхоналарини мажбурий тиббий суғурта полисига эга бўлишидан қатъи назар, ҳомиладор аёлларга ёрдам кўрсатишга мажбур қилади.

"Мажбурий тиббий суғурта кўринишидаги бепул тиббий хизмат фақат Россия фуқароларига тегишли. Чет элликларга келсак, улар Россия Федерациясида расман ишлаётган бўлсалар ва уларнинг иш берувчилари камида ҳар уч йилда бир марта суғурта бадалларини тўлашлари керак бўлса, улар мажбурий тиббий суғурта полисини олиш ҳуқуқига эга.", деди депутат Сергей Миронов.

Миронов мамлакатга киришда ихтиёрий тиббий суғурта полисини (ВҲИ) мажбурий тақдим этишни жорий қилишни таклиф қилмоқда.

"Аёллар учун - туғруқ ва ҳомиладорлик билан боғлиқ ихтиёрий тиббий суғурта. Иш берувчи ҳам суғурта сотиб олиши мумкин, асосийси, чет эл фуқароси чегарани кесиб ўтишда полисга эга бўлишидир. Агар ташриф буюрувчилар Россия суғурта компаниялари филиаллари орқали Россияга саёҳат қилишдан олдин ўз мамлакатида суғурта сотиб олган бўлса, энг мақбул бўлади. Бу одатий халқаро амалиёт ва мен бошқа йўлни танлашимиз ва нега бошқа йўл тутишимиз кераклиги ҳақида ҳеч қандай сабаб кўрмаяпман " таъкидлади депутат.