Шифокорларга тушунарсиз ёзиш тақиқланди

Ҳиндистонда шифокорларга доринома тушунарсиз тарзда ёзиш тақиқланди. Панжоб ва Ҳарьяна Олий суди шифокорлар ташхис, доринома (рецепт) ва тиббий маълумотномаларни ўқиш мумкин бўлган тарзда ёзишлари шарт деб ҳукм чиқарди.

Шифокорларга доринома ёки маълумотномаларни катта ҳарфларда ёки рақамли муҳитда тайёрлаш зарурлиги билдирилди. Шунингдек, мазкур масалада давлат тиббиёт муассасаларига кўрсатмалар берилди. Эндиликда шифокорларнинг ҳуснихатлари назорат қилинади. BBC нашрининг хабар беришича, тиббиёт факультети талабаларига ҳам ёзувларини ривожлантиришга оид дарслар қўшиш тавсия қилинди. Рақамли дориномаларни оммалаштириш учун икки йиллик ўтиш даври кўзда тутилган.

Қарорни эълон қилган судья Жасгурприт Сингх Пури айрим тиббий маълумотномаларни кўздан кечирганида бирорта ҳам сўзини ўқий олишмагани, бу ҳолат суднинг виждонини уйғотадиган даражада эканини айтди.

Шифокорлар эса, қаттиқ иш суръати ёмон ҳуснихатга олиб келаётганини билдирган бўлса, мутахассислар ўқиб бўлмайдиган дориномалар фақат эстетик муаммо эмас, балки бемор хавфсизлиги учун жиддий таҳдид ҳам эканини эслатди.