Трамп Япония байроғи ёнида қотиб қолди, Оқ уй унинг соғлиги ҳақида баёнот берди

АҚШ президентининг бу кўриниши ижтимоий тармоқларда катта баҳсларга сабаб бўлди.

Такаичи қисқа ҳаяжондан сўнг протоколга кўра таъзим қилди. Японияда хорижий етакчиларнинг байроқлар олдида таъзим қилиши кўп йиллик анъана ҳисобланади. Фойдаланувчилар «Трамп нима қилаётганини билмади», «Қариганидан адашди шекилли» каби изоҳлар қолдиришди.

Шу билан бирга, «The Hill» нашри Оқ уйнинг янги баёнотини эълон қилди. Унга кўра, Трамп доимий тиббий текширув доирасида мия тасвирга олиш ва когнитив салоҳият тестларидан ўтган. «Шаффофлик – фуқароларга барқарор бошқарув ҳақида ишонч беради», – дейилган баёнотда.

Маросимдан сўнг АҚШ ва Япония ўртасида иқтисодий ҳамкорлик ва нодир ер элементлари борасида икки муҳим келишув имзоланди. Оқ уйнинг таъкидлашича, бу келишувлар икки мамлакат иқтисодий хавфсизлигини мустаҳкамлаб, глобал фаровонликка ҳисса қўшади.