Украина ҳомийлигидаги Путин мухолифати Россияга ҳужум бошлади

Бутун Белгород области бўйлаб ракета зарбаси хавфи ҳақида огоҳлантириш берилган, ҳудудда ҳаво ҳужумидан мудофаа тизимлари ишламоқда. Курск областида портлашлар рўй берган. Брянск области ҳам зарба остида қолган.

Ҳарбий мухбир Руденко Белгород области чегарасида жанг кетаётганини, кучли портлашлар рўй бергани ва осмонга қуюқ тутун кўтарилгани хабар қилган. 

Ижтимоий тармоқларда Белгород областидаги Горковский посёлкаси чеккасида Украина қуролли кучлари танки ҳаракатланаётгани видеоси пайдо бўлди.

ТАСС ахборот агентлигининг Мудофаа вазирлигига таяниб хабар беришича, Россия ҳаво ҳужумидан мудофаа кучлари Белгород вилояти осмонида Точка-У ракетаси ва 8 та Вампире МЛРС снарядларини уриб туширган. Бундан ташқари Борисов тумани узра тўртта самолёт типидаги ПУАни уриб туширгани хабар қилинди.

Воқеадан бироз ўтиб Россиялик мухолифатчи Иля Понамарёв «Россияга озодлик» легиони, «Россия кўнгиллилар корпуси» ва Сибир баталёни қўшма амалиёт доирасида РФнинг Курск ва Белгород областларига киргани ҳақида хабар берилди.

Белгород областидаги Лозовая Рудка қишлоғи озодлик кучлари назоратига ўтгани маълум қилинган. Айни вақтда Курск областининг Тёткино қишлоғи учун жанглар кетмоқда. Украина ҳомийлигидаги рус мухолифати Россияда бўлиб ўтадиган навбатдаги сайловни инкор этишга чақирмоқда.