ОТМ ўқишга кириш учун қабул бошланди

Хабарга кўра, қабул жараёнлари Президентнинг ПФ-81-сон Фармонига мувофиқ "аввал тест – сўнг танлов" тартибида ўтказилади.

Абитуриентлар натижаларига кўра дастлаб олий таълим (бакалавриат) йўналишларига, сўнг профессионал таълим муассасаларига танлов асосида қабул қилинади.

Бакалавриатга қабул икки босқичда амалга оширилади:

Биринчи босқич 5 июнь – 25 июнь кунлари бўлиб, абитуриентлар тест синовларида иштирок этиш учун рўйхатдан ўтади. Бу босқичда тест топшириладиган фанлар мажмуаси, таълим тили, тест топшириш ҳудудини, шунингдек, агар кириш имтиҳонларига касбий (ижодий) имтиҳон киритилган бўлса, ушбу имтиҳонни топшириладиган ОТМни ҳам белгилаш керак.

Иккинчи босиқч 15 кун ичида иккинчи босқич бошланади. Бунда абитуриентлар олий таълим муассасасини, таълим йўналишини ва таълим шаклини танлашлари керак. Агар бу босқичда танлов амалга оширилмаса, абитуриент якуний танловда иштирок эта олмайди.

Маълумот учун, Шунингдек, кириш имтиҳонлари июль–август ойларида бўлиб ўтади.

ОТМларга қабул натижалари эълон қилингач, абитуриентлар 10 кун ичида профессионал таълим муассасасини, касб ва мутахассисликни ҳамда таълим шаклини танлашлари мумкин.