Тошкент давлат педагогика университети биноси сотувга қўйилди

Низомий номидаги Тошкент давлат педагогика университетининг Чилонзор туманидаги бош биноси 886,6 млрд бошланғич нарх билан сотувга қўйилди. 

Шунингдек, олийгоҳнинг бошқа туманларда жойлашган факультетлари бинолари ҳам алоҳида лотлар билан сотувга чиқарилди.

Ҳозирги кунда Тошкент давлат педагогика университетининг еттита факультети тарқоқ жойлашган.

Шу боис Янги Тошкент ҳудудида университет учун қирқ гектарлик майдонда 20 минг талабага мўлжалланган ўқув бинолари қурилмоқда.

Янги бинолар қуйидаги иборат:

• 5 минг ўринли ётоқхона;
• 300 ўринли боғча;
• 616 ўринли мактаб;
• 588 ўринли академик лицей, спорт ва маданият саройлари, амфитеатр ва бошқа иншоотлар.

Шунингдек, ўқитувчилар учун 286 ўринли турар жой, талабалар учун 2 минг ўринли ётоқхона қурилиши режалаштирилган.

Яна қайси объектлар сотувга қўйилди?

Янги Тошкентга кўчиш муносабати яна бир қатор давлат объектлари бошланғич нарх билан сотувга чиқарилди:

• Камбағалликни қисқартириш ва бандлик вазирлигининг маъмурий биноси – 180 млрд сўм;

• Техник жиҳатдан тартибга солиш агентлигининг маъмурий биноси – 279,8 млрд сўм;

• Бектемир тумани ҳокимлигининг маъмурий биноси – 40,1 млрд сўм;

• “Ўзбекипаксаноат” уюшмасининг маъмурий биноси – 70,1 млрд сўм;

• Шайхонтоҳур тумани ҳокимлигининг маъмурий биноси – 101,6 млрд сўм;

• Агросаноат мажмуйи устидан назорат қилиш инспекциясининг маъмурий биноси – 73,4 млрд сўм.