Париж-2024: Бугун 10 нафар ўзбекистонлик паралимпиячилар беллашади

Дастлаб эркаклар ўртасида пара велоспорт S2 классида Ғолиббек Мирзаёров иштирокини бошлайди. Унинг баҳси Тошкент вақти билан соат 11:27 да старт олади. 

Соат 12:30 да пара ўқ отиш баҳслари бошланади. Унда Ўзбекистон делегациясининг икки нафар аъзоси иштирок этади. Пара ўқ отиш доирасида (P4 класси) 50 метрли масофадан тўппончадан ўқ отиш беллашувларида Сервер Ибрагимов ва Шаҳноза Мамажоновалар медаллар учун курашади. Шу билан бир вақтда эркаклар ўртасида 100 метрга эркин пара сузиш (S12 класси) баҳси бошланади. Бу йўналишда пара сузувчи Дмитрий Хорлин терма жамоа шарафини ҳимоя қилади.

Шундан сўнг пара енгил атлетика ўйинлари ҳам бўлиб ўтади. Аёллар ўртасида пара диск улоқтиришда (F41 класси) Кубаро Ҳакимова ҳамда Мадина Мухторова Тошкент вақти билан соат 13:00 да баҳсларга киришади.

Бунгун эркаклар ўртасида 100 метрга югуриш (Т11 класси) Урганч Эгамназаров ўз омадини синаб кўради. Соат 14:47 да аёллар ўртасида ядро улоқтириш спортининг F46 классида терма жамоанинг икки нафар вакиласи — Розия Эргашева ва Шахина Йигиталиевалар иштирок этади.

Кун беллашувларини Азимбек Абдуллаевнинг чиқиши якунлаб беради. Эркаклар ўртасида пара велоспорт (С5 класси) ўйинлари бўлиб ўтади. Азимбек Абдуллаев соат 16:51 даги ўйинларда қатнашади.