updated: 22.03.2026, 15:25

Париж-2024: Паралимпия ўйинларида Ўзбекистон ҳисобига 3 та медаль қўшилди

Парижда ўтаётган Паралимпия ўйинларининг кечаги баҳсларида ўзбекистонлик спортчилар ўз делегатсиялари ҳисобига навбатдаги медалларни қўшиб қўйди.

Спорт

02.09.2024, 10:42

Lotinchada

Улашиш:

Parij-2024: Paralimpiya oʻyinlarida Oʻzbekiston hisobiga 3 ta medal qoʻshildi

Дастлаб K44 классининг -80 кг вазн тоифасида иштирок этган пара таэквондочи Асадбек Тоштемиров финал жангини ўтказди. Унга бу босқичда мексикалик Луис Нахера рақиб бўлди. Асадбек Тоштемиров финал жангида рақибига ҳеч қандай имконият қолдирмади ва якунда олтин медальни қўлга киритди.

Ўзбекистон делегатсиясининг яна бир маҳоратли пара таэквондочиси Гулжаной Наимова эса Паралимпия ўйинларидаги иккинчи медалини қўлга киритди. K44 классида +65 кг вазн тоифасида қатнашган спортчи финалда британиялик Эми Трюсдейлга қарши чемпионлик жангини ўтказди. Олтин медаль учун кечган баҳсда жароҳат сабаб Гулжаной Наимова жангни охиригача якунлай олмади ва кумуш медаль соҳиби бўлди. У Токио-2020 ёзги Паралимпия ўйинларида у олтин медальни қўлга киритган эди.

Пара енгил атлетика бўйича F57 классининг найза улоқтириш баҳсларида иштирок этган Ўзбекистон вакили Ёрқинбек Одилов олтин медалга сазовор бўлди. Токио-2020 ёзги Паралимпия ўйинларини тўртинчи ўринда якунлаган Ёрқинбек Одилов Парижда 50,32 метр натижа кўрсатди ва унга бу натижа олтин медаль учун етарли бўлди.

Бу натижалар орқали Париж-2024 Паралимпиясида Ўзбекистон делегатсияси ҳисобидаги медаллар сони 11 тага етди. Уларнинг 5 таси олтин, 3 таси кумуш ва қолган 3 таси бронзани ташкил этмоқда.

Муаллиф:Sanjar Said Барча мақолалари →

Спорт

02.09.2024, 10:42

Улашиш:

#Паралимпия #Париж-2024

машҳур янгиликлар