Полша Беларусдаги фуқароларини мамлакатни тарк этишга чақирди

“Ташқи ишлар вазирлиги Беларусда бўлган Полша фуқароларини дарҳол мавжуд тижорат ёки шахсий транспорт воситаларидан фойдаланиб, мамлакатни тарк этишга чақиради”, — дейилади хабарда.

Элчихонага кўра, агар икки мамлакат орасидаги вазият ёмонлашса ёки чегаралар ёпилса, полшаликларни эвакуация қилиши ёки умуман имконсиз боълиши мумкин.

25-сентабрдан Полша ва Беларус ўртасида чегара ҳаракати тикланган. Йўловчилар учун фақат “Тереспол — Брест” ўтиш пункти очиқ, юк ташиш эса “Корошчин (Кукурйки) — Козловиче” орқали амалга оширилмоқда. 25-сентабр эрталабки ҳолатга кўра, Полша томонига чиқишни тахминан 4 минг автомобиль ва автобус кутаётган эди.

Полша 12-сентабр куни Беларус билан чегарани ёпган, бунга Россия ва Беларуснинг қўшма “Запад-2025” ҳарбий машғулотлари бошланиши сабаб қилиб кўрсатилган. Лукашенко эса Варшаванинг бу қарорини “Хитойга қарши дўстона бўлмаган қадам” деб атаган.

Эслатиб ўтамиз, аввалроқ Россия Полша ва Эстония ҳаво ҳудудини ноқонуний бузиб ўтган эди. Шундан сўнг НАТО сешанба куни йиғилиш ўтказган эди. Аммо шунча вақт ўтган бўлса ҳам НАТОга аъзо дав;атлар ҳали ҳамон Россияга нисбатан ҳеч қандай чора кўрмаётгани ҳақида хабар берган эдик.