Қамчиқ довонида янги туристик маскан қурилади

Жорий йилнинг 13 октябрь куни Наманган вилояти ҳокими Шавкатжон Абдураззоқов ушбу лойиҳани доирасида Doppelmayr / Garaventa гуруҳи вакиллари – Жоханнес Триебник, Валерий Яшин, Евгений Купринни қабул қилиб, лойиҳанинг аҳамияти ва амалга ошириладиган қурилиш объектларини муҳокама қилган. Бу ҳақда Наманган вилояти ҳокимлиги матбуот хизмати хабар қилди.

Хабарда қайд этилишича, мазкур лойиҳани Наманганнинг йирик тадбиркорларидан бири Жобирхон Камолиддинов молиялаштирмоқда.

Маълумот учун, Doppelmayr / Garaventa гуруҳи  — Австрия ва Швейсарияда ташкил топган, канатли йўллар (ропеwайс), гондолалар, лифтлар, йўловчи ва материал ташиш системалари ишлаб чиқарувчи йирик компаниялар гуруҳи. Гуруҳ турли технологиялар, системалар ва хизматлар бўйича етарлича кенг портфелга эга. Компания дунё бўйлаб 96 та мамлакатда 15,000 дан ортиқ канат йўллари лойиҳалаштирган.