Россияда Ўзбекистон фуқароси "Боқий машъала"ни таҳқирлагани учун жазоланди

Маълумотларга кўра, воқеа 28 июнь куни Мемориал мажмуаси ҳудудида содир бўлган. Судлар матбуот хизмати хабарига кўра, у подиумга чиқиб, гувоҳлар кўз ўнгида оловдан сигарет ёққан ва шу билан муқаддас хотира рамзини омма олдида таҳқирлаган.

Суд мажлисида айбланувчи қилган ишини тўлиқ тан олди. Суд унинг қилмишини Россия Федерацияси Жиноят кодексининг 354.1-моддаси 3-қисмига мувофиқ — «Россиянинг ҳарбий шуҳрат рамзларини таҳқирлаш, Ватан ҳимоячилари хотирасини ҳақорат қилиш ёки Улуғ Ватан уруши қатнашчисининг шаъни ва қадр-қимматини омма олдида камситиш орқали нацизмни оқлаш» деб квалификация қилди.

Суд ҳукми қонун кучига кирган.