Ўзбекистон АҚШдан пахта импорт қилмоқчи

Икким томон кредит лимитини ошириш ва “Мade from U.S. Cotton” ташаббусини ишга тушириш масалалари муҳокама қилинмоқда.

Ўзбекистон Инвестициялар, саноат ва савдо вазирлиги делегация маҳаллий маҳсулотларни тарғиб қилиш ва уларнинг экспорт салоҳиятини кенгайтириш учун АҚШга борди.

Ушбу ташриф доирасида 25 та маҳаллий тўқимачилик корхонаси Texworld NYC, Apparel Sourcing USA ва Home Textiles Sourcing Expo халқаро кўргазмаларида қатнашди. Кўргазма доирасида маҳаллий брендлар АҚШнинг бир қанча йирик компаниялари билан музокаралар олиб борган.

Шунингдек, учрашувда Ўзбекистонда ишлаб чиқарувчиларини АҚШ бозорига чиқариш ва манба механизми асосида буюртмалар бериш имкониятлари ҳамда маҳаллий маҳсулотларни Amazon, Walmart, W Foods Market, Bloomingdale’s ва The Home Depot каби йирик савдо тармоқларида жойлаштириш шунингдек, W Foods Market, Bloomingdale’s ва The Home Depot каби етакчи чакана савдо тармоқларига кириш имкониятларига ҳам эътибор қаратилган.

Қайд этилишича, АҚШ Савдо вазирлигида Савдо қонунчилигини ривожлантириш дастури вакиллари билан олиб борилган музокаралар доирасида Ўзбекистон корхоналари учун Америка бозори талабларига мувофиқ сертификатлаштириш ва қадоқлаш бўйича қўшма вебинар ва семинарлар ўтказиш бўйича келишувга эришилган.