updated: 22.03.2026, 08:09

Хитой Тайван атрофида ҳарбий машғулотлар бошлади

Бугун, 2 апрель куни минтақада кескинлик кучайиб бораётган бир вақтда Хитой ҳарбийлари Тайван атрофида отишмалар ва ҳарбий машғулотлар бошлади. Бу ҳақда “Independet” нашри хабар қилди.

Сиёсат

02.04.2025, 15:55

Lotinchada

Улашиш:

Xitoy Tayvanda harbiy mashg'ulotlarini boshladi

https://www.dw.com/en/china-drills-in-taiwan-strait-risk-to-regions-security-us/a-72111404

Хитой ҳукумати бу машғулотни Хитой халқ озодлик армиясининг шарқий қўмондонлигининг “Strait Thunder 2025A” машғулотларининг бир қисми эканлигини маълум қилди.

Нашрнинг ёзишича, Хитой ҳарбийлари Тайван атрофида ўтказилган ҳарбий машғулотларда “Шандун” самолёт ташувчиси ишчи гуруҳи Тайван шарқидаги қуруқлик ва денгиз нишонларига зарба бериш учун ишлатган.

Хитой ҳарбийлар баёнотига кўра, машғулотлар кема ва самолётларни мувофиқлаштириш, ҳудуднинг ҳаво устунлигини қўлга киритиш, қуруқликдаги ва денгиздаги нишонларга зарба беришни ўз ичига олган.

Шарқий театр қўмондонлиги матбуот котиби, катта полковник Ши Йи " Strait Thunder 2025A" ҳарбий машқлари Тайван бўғозининг марказий ва жанубий қисмларида ўтказилганини ҳамда "текшириш ва аниқлаш, огоҳлантириш ва ҳайдаб чиқариш, тўсиб олиш ва қўлга олиш каби вазифаларни бажариш"га қаратилганини маълум қилди.

Шунингдек, ҳарбий вакиллар машғулотлар порт ва энергетика иншоотларига аниқ зарба беришни машқ қилишга мўлжаллангани ҳақида хабар берди, бироқ аниқ жойлашув тўғрисида тафсилотлар келтирмаган.

Ушбу машқлар АҚШ мудофаа вазири Пит Хегсетнинг Осиё бўйлаб давом этаётган сафари вақтида ўтказилмоқда. Хегсет сафар давомида кўплаб мамлакатларга ташриф буюриб, Хитойнинг бундай ҳаракатларини танқид қилмоқда ҳамда Хитойнинг Тайванга таҳдидига қарши туришнинг Вашингтон учун асосий устувор вазифа эканлигини таъкидлади.

Маълумот учун, Тайванни ҳудудида Хитой сўнгги йилларда орол атрофида кўплаб машғулотлар ўтказди. Пекин ўтган йили сайланган жаноб Лайга қарши риторикасини кучайтириб, уни суверенитетга интилаётгани учун "сепаратчи" деб қоралади.

Кутилмаган ҳарбий машғулотларни ҳисобга олиб, Хитойнинг Денгиз хавфсизлиги бошқармаси Тайвандан 500 км узоқликдаги шарқий Чжежианг провинциясининг шимолий қисмидаги юк ташиш зонасини пайшанбага ўтар кечаси ёпилишини эълон қилди.

Тайван мудофаа вазирлиги чоршанба кунги сўнгги янгиланишида сўнгги 24 соат ичида Хитойнинг 76 самолёти ва 15 та ҳарбий кемаси Тайван атрофида ҳаракат қилганини айтди.

Сиёсат

02.04.2025, 15:55

Улашиш:

##АҚШ ##Чина ##Тайван

мавзуга оид янгиликлар