"Аталанта" ҳамда "Реал Мадрид" жамоалари майдонда беллашaди

Учрашув 14 августдан 15 августга ўтар кечаси соат 00:00 да старт олади. Бу ўйинга Польша пойтахти Варшава шаҳрида жойлашган "Warsaw National Stadium" ("Варшава миллий стадони") мезбонлик қилади. 

Футбол ихлосмандларига маълумки, бу иккала клубнинг финалгача босиб ўтган йўли осон кечмаган. Мадриднинг "Реал Мадрид" клуби ярим финалда Чемпионлар лигасининг амалдаги чемпиони "Манчестер сити"ни, финалда эса "Боруссиа Дортмунд"ни мағлуб этиб, лига ғолиблигини қўлга киритди. 

"Аталанта" жамоаси ҳам нисбатан мураккаброқ йўлни босиб ўтган. Жамоа финалга қадар Европанинг бир неча номдор клублари — "Ливерпуль" va "Марсель"ни финалда эса Хаби Алонсо бошчилигидаги "Баер"ни мағлуб этган ва якунда Европа лигаси ғолибига айланди. 

Эслатиб ўтамиз, амалдаги УЭФА Суперкубоги ғолиби Англиянинг "Манчестер сити" клуби ҳисобланади. Жамоа финал ўйинида Севиляни пенальтилар сериясида 5:4 ҳисобида мағлуб этган. Пеп Гвардиола бошчилигидаги клуб 2022-2023 йилги мавсумда муваффақиятли ўйин ўтказиб, треблни расмийлаштирган эди.