"Atalanta" hamda "Real Madrid" jamoalari maydonda bellashadi

Uchrashuv 14 avgustdan 15 avgustga oʻtar kechasi soat 00:00 da start oladi. Bu oʻyinga Polsha poytaxti Varshava shahrida joylashgan "Warsaw National Stadium" ("Varshava milliy stadoni") mezbonlik qiladi. 

Futbol ixlosmandlariga maʼlumki, bu ikkala klubning finalgacha bosib oʻtgan yoʻli oson kechmagan. Madridning "Real Madrid" klubi yarim finalda Chempionlar ligasining amaldagi chempioni "Manchester siti"ni, finalda esa "Borussia Dortmund"ni magʻlub etib, liga gʻolibligini qoʻlga kiritdi. 

"Atalanta" jamoasi ham nisbatan murakkabroq yoʻlni bosib oʻtgan. Jamoa finalga qadar Yevropaning bir necha nomdor klublari — "Liverpul" va "Marsel"ni finalda esa Xabi Alonso boshchiligidagi "Bayer"ni magʻlub etgan va yakunda Yevropa ligasi gʻolibiga aylandi. 

Eslatib oʻtamiz, amaldagi UEFA Superkubogi gʻolibi Angliyaning "Manchester siti" klubi hisoblanadi. Jamoa final oʻyinida Sevilyani penaltilar seriyasida 5:4 hisobida magʻlub etgan. Pep Gvardiola boshchiligidagi klub 2022-2023 yilgi mavsumda muvaffaqiyatli oʻyin oʻtkazib, treblni rasmiylashtirgan edi.