Рэшфорд “Барселона”га ўтди. Шартнома шартлари қандай?

Ҳуқуқий жиҳатдан “МЮ”га тегишли бўлган Маркус  Рэшфорд расмий равишда “Барселона” футболчисига айланди. Каталония клуби инглиз ҳужумчисини 2025/26 йилги мавсум охиригача ижарага олди.

Шартномада 30 миллион еврога тўлиқ сотиб олиш имконияти мавжуд. Агар бу опция фаоллаштирилмаса, “Барселона” 5 миллион евро миқдорида жарима тўлайди. Клуб Рэшфорднинг йиллик 14 миллион евролик маошини ҳам тўлиқ қоплашга рози бўлди. 

27 ёшли футболчи ўтган мавсумда “Манчестер Юнайтед” ва “Астон Вилла” сафида 41 ўйинда майдонга тушиб, 11 та гол ва 9 та ассист қайд этди. Айниқса, “Астон Виллада”ги ижарада ўйин амалиётини тиклаб, юқори формага қайта олди.

Эндиликда у Каталония клубида ҳам ўзини намоён этиш ниятида. Энг қизиғи, Рэшфорд сўнгги 100 йил ичида “Барселона”да тўп сурган атиги иккинчи инглиз футболчиси бўлди — ундан аввал бу шараф фақат Гарри Линекерга насиб этган эди.