Reshford “Barselona”ga oʻtdi. Shartnoma shartlari qanday?

Huquqiy jihatdan “MYu”ga tegishli boʻlgan Markus  Reshford rasmiy ravishda “Barselona” futbolchisiga aylandi. Kataloniya klubi ingliz hujumchisini 2025/26 yilgi mavsum oxirigacha ijaraga oldi.

Shartnomada 30 million yevroga toʻliq sotib olish imkoniyati mavjud. Agar bu opsiya faollashtirilmasa, “Barselona” 5 million yevro miqdorida jarima toʻlaydi. Klub Reshfordning yillik 14 million yevrolik maoshini ham toʻliq qoplashga rozi boʻldi. 

27 yoshli futbolchi oʻtgan mavsumda “Manchester Yunayted” va “Aston Villa” safida 41 oʻyinda maydonga tushib, 11 ta gol va 9 ta assist qayd etdi. Ayniqsa, “Aston Villada”gi ijarada oʻyin amaliyotini tiklab, yuqori formaga qayta oldi.

Endilikda u Kataloniya klubida ham oʻzini namoyon etish niyatida. Eng qizigʻi, Reshford soʻnggi 100 yil ichida “Barselona”da toʻp surgan atigi ikkinchi ingliz futbolchisi boʻldi — undan avval bu sharaf faqat Garri Linekerga nasib etgan edi.