Шакира Жаҳон чемпионатининг расмий “Dai Dai” қўшиғини тақдим этди

49 ёшли санъаткор пайшанба куни Instagramда Бразилиянинг Маракана стадионидан туриб, нигериялик хонанда Бурна Бой билан куйланган трейзер-видеони жойлаштирди. Қўшиқ 14 май куни оммага тақдим этилади.

Видеолавҳада хонанда бир гуруҳ раққос ва раққосалар билан бирга кўриниш беради. Улар Мексика, АҚШ ва Канадада 11 июндан 19 июлгача бўлиб ўтадиган турнир иштирокчиси бўлган бир нечта терма жамоа рангларидаги либосларда намоён бўлишган.

Видеода 2006, 2010 ва 2014-йилги Жаҳон чемпионатларининг расмий тўплари ҳам кўрсатилган бўлиб, бу Шакира мусиқий жиҳатдан муҳим роль ўйнаган турнирларга ишора қилади.

Лотин поп юлдузи Жанубий Африкада бўлиб ўтган 2010-йилги Жаҳон чемпионатининг расмий мадҳияси — “Waka Waka (This Time for Africa)” қўшиғини ҳам ижро этган.

У 2006 йилда Германиядаги Жаҳон чемпионати ҳамда 2014 йилда Бразилиядаги турнир маросимларида ўзининг “Hips Don’t Lie” ва “La La La (Бразил 2014)” хитларини куйлаган.