Мактабларда 2026/2027 ўқув йили 2-сентабрдан бошланади

Республикамиз бўйлаб барча умумтаълим мактабларида янги — 2026/2027-ўқув йили дарс жараёнлари жорий йилнинг 2-сентабридан (чоршанба куни) бошланади.

Жорий йилда биринчи синфга қабул қилинадиган 795 мингдан ортиқ ўқувчига 12 номдаги ўқув қуроллардан иборат "Президент совғаси" тантанали топширилади.

2026/2027-ўқув йилида академик лицей ва техникумларда ўқув жараёнлари 2-сентябрдан бошланади.

Олий таълим ташкилотларида эса:

1-босқич талабалари учун — 7-сентябрдан;
2-босқич ва ундан юқори босқич талабалари учун — 14-сентябрдан ўқув жараёнлари ташкил этилади.