Ўзбекистонда мактаб дарсликларида 1 257 та хато аниқланган

Мактаблар учун янги авлод дарсликлари

Тақдимотда янги авлод дарсликларини яратиш ва таълим мазмунини янгилаш масалаларига алоҳида эътибор қаратилди.
Аввалги дарсликлар таҳлили натижасида 260 та дарсликда 1 257 та хато, 51 та дарсликда эса 464 та таржима хатоси аниқланган.

Айрим материаллар ўқувчилар ёшига мос келмаган, баъзи мавзулар эса тушуниш қийин бўлган тарзда берилган.
Янги дарсликларни ишлаб чиқишда халқаро тажрибадан фойдаланилмоқда. Жумладан, бошланғич синф дарсликлари Финляндия таълим альянси томонидан сертификатланган. 5–7-синфлар учун математика, физика, кимё ва биология дарсликлари эса Сингапур дарсликлари асосида ишлаб чиқилган.

2027 йилга қадар жами 1 342 номдаги дарслик ва ўқув-методик материал ишлаб чиқиш режалаштирилган.
Янги дарсликларда танқидий фикрлаш, мулоқот, ҳамкорлик ва ижодкорликни ривожлантирувчи топшириқларга кенг ўрин берилмоқда. Шунингдек, касбга йўналтириш бўйича 255 та дарс ишлаб чиқилган.