Хоразмда Хитой университетининг Хива филиали очилади

Янги олий таълим муассасаси мамлакатда халқаро таълим ҳамкорлигини кенгайтириш ва малакали кадрлар тайёрлашга хизмат қилади.

Филиални муваффақиятли тамомлаган битирувчиларга Ўзбекистон Республикасида олий маълумот тўғрисидаги ҳужжат сифатида тан олинадиган диплом берилади. Таълим жараёни тўлов-контракт асосида ташкил этилади.

Филиал фаолияти қуйидаги манбалар ҳисобидан молиялаштирилади:

• тўлов-контракт маблағлари;
• Хитойнинг таълим соҳасидаги субсидия ва грантлари;
• Ўзбекистон Республикаси Давлат бюджети маблағлари;
• ҳомийлик маблағлари;
• илмий ишланмаларни тижоратлаштиришдан олинадиган даромадлар;
• қонунчиликда тақиқланмаган бошқа манбалар.

Янги филиалнинг очилиши Ўзбекистон ва Хитой ўртасидаги таълим соҳасидаги ҳамкорликни янада мустаҳкамлаши кутилмоқда.