Украина Россиянинг қарийб 1000 квадрат метр ҳудудини назорат остига олди

Душанба куни Украина Қуролли Кучлари қўмондони Александр Сирский биринчи марта Россиянинг Курск вилоятида ҳужум операциясини ўтказаётганини расман тасдиқлади.

“Интерфакс-Украина” агентлигининг хабарича, А. Сирский Олий бош қўмондонлик штаб-квартираси йиғилишида ҳозирда Украина Қуролли кучлари 1000 квадрат метрга яқин Россия ҳудудини назорат қилаётганини айтган.

Жаҳон

13.08.2024, 16:08

Lotinchada

Улашиш:

Ukraina Rossiyaning qariyb 1000 kvadrat metr hududini nazorat ostiga oldi

Курск вилояти губернатори вазифасини бажарувчи Алексей Смирнов душанба куни минтақадаги 28 та аҳоли пункти Украина Қуролли кучлари назорати остида эканини айтган.

Украина президенти Володимир Зеленский Телеграм каналида Украина Ички ишлар вазири ва Хавфсизлик хизматига операция ўтказиладиган ҳудуд учун гуманитар ёрдам режасини тайёрлаш топширилганлигини маълум қилди.

"Биз Россия Путин даврида қандай ҳаракат қилаётганини кўряпмиз: 24 йил олдин “Курск” фалокати юз берди, бу уни ҳукмронлигининг рамзий бошланиши эди. Путиннинг даври Курск билан бошланди, Курск билан тугайди", — деди Украина раҳбари Володимир Зеленский.

Россия президенти Владимир Путин эса Украина билан чегарадош ҳудудлардаги вазият бўйича йиғилиш ўтказди.

Ушбу йиғилишда Путин Мудофаа вазирлиги душманни Россия ҳудудларидан ҳайдаб чиқариши ва чегара хизмати билан биргаликда мамлакат чегарасининг ишончли ҳимоясини таъминлаши ҳақида гапириб, Киев режими Москва ва воситачиларнинг тинчлик таклифларини нега рад этганини Курск вилоятидаги вазият кўрсатади дея таъкидлади.

Шунингдек, Россия президенти Курск вилоятидаги воқеалардан сўнг Россия қўшинларининг фронт чизиғи бўйлаб олдинга силжиш тезлиги 1,5 баробарга ошганлигини айтди.

Жаҳон

13.08.2024, 16:08

Улашиш: