Чиқинди қарзи туфайли электр чекловлари қайта кўриб чиқилиши мумкин

Қўмита маълумотига кўра, 2025 йилда бу масала бўйича 1141 та мурожаат келиб тушган. 2026 йилнинг дастлабки ойларида эса мурожаатлар сони 850 тадан ошган.

Аҳоли асосан қуйидагилардан норози:

• чиқинди ўз вақтида олиб кетилмайди;
• хизмат сифати паст;
• кўрсатилмаган хизмат учун қарз ҳисобланади;
• шу қарз сабаб электр таъминоти чекланади.

Энг кўп шикоятлар Наманган, Қашқадарё, Жиззах, Тошкент ва Фарғона вилоятларида қайд этилган.

Рақобат қўмитаси тегишли агентликка расмий мурожаат йўллаб, асоссиз қарзларни бекор қилиш ва хизмат кўрсатилмаган ҳолатда қўйилган электр чекловларини олиб ташлашни сўради.

2026 йил 5 февраль ҳолатига кўра:

• 1,17 млн абонентга қарздорлик ҳақида SMS юборилган;
• умумий қарз 108,9 млрд сўмни ташкил этган;
• 198 858 нафар фуқаронинг электр таъминоти чекланган.

Чекловлар 2025 йил 1 июлдан кейинги қарздорликлар учун амал қилади.