Chiqindi qarzi tufayli elektr cheklovlari qayta koʻrib chiqilishi mumkin

Qoʻmita maʼlumotiga koʻra, 2025 yilda bu masala boʻyicha 1141 ta murojaat kelib tushgan. 2026 yilning dastlabki oylarida esa murojaatlar soni 850 tadan oshgan.

Aholi asosan quyidagilardan norozi:

• chiqindi oʻz vaqtida olib ketilmaydi;
• xizmat sifati past;
• koʻrsatilmagan xizmat uchun qarz hisoblanadi;
• shu qarz sabab elektr taʼminoti cheklanadi.

Eng koʻp shikoyatlar Namangan, Qashqadaryo, Jizzax, Toshkent va Fargʻona viloyatlarida qayd etilgan.

Raqobat qoʻmitasi tegishli agentlikka rasmiy murojaat yoʻllab, asossiz qarzlarni bekor qilish va xizmat koʻrsatilmagan holatda qoʻyilgan elektr cheklovlarini olib tashlashni soʻradi.

2026 yil 5 fevral holatiga koʻra:

• 1,17 mln abonentga qarzdorlik haqida SMS yuborilgan;
• umumiy qarz 108,9 mlrd soʻmni tashkil etgan;
• 198 858 nafar fuqaroning elektr taʼminoti cheklangan.

Cheklovlar 2025 yil 1 iyuldan keyingi qarzdorliklar uchun amal qiladi.