Эрон ҳаво ҳудуди ёпилиши сабаб бир қатор рейслар ортга қайтди

Uzbekistan Airports матбуот хизматига кўра, қуйидаги рейслар ортга қайтган:

• Fly One Asia авиакомпаниясининг 7Q7742 рейси (Мадина—Тошкент) ва 7Q4442 рейси (Мадина—Фарғона) — Мадина аэропортига;
• Jazeera Airways’нинг J9650 рейси (Тошкент—Қувайт) — Тошкент аэропортига;
• Sam Air’нинг 9S3303 рейси (Самарқанд—Жидда) — Самарқанд аэропортига;
• Fly Khiva’нинг 2U7911 рейси (Урганч—Мадина) — Урганч аэропортига;
• Uzbekistan Airways’нинг HY336 рейси (Жидда—Тошкент) — Жидда аэропортига.

Маълум қилинишича, Эрон махсус рухсат этилган парвозлардан ташқари барча рейслар учун ўз ҳаво ҳудудини ёпган. Мамлакатда 2025 йил декабрь ойи охиридан бери норозилик намойишлари давом этмоқда.

Ўзбекистон Ташқи ишлар вазирлиги Эронда бўлиб турган Ўзбекистон фуқароларини митинг ва намойишларда иштирок этмасликка, одамлар кўп тўпланадиган жойлардан йироқ бўлишга ҳамда шахсий хавфсизлик қоидаларига қатъий риоя этишга чақирди.