updated: 22.03.2026, 08:41

ОАВлар ёритаётган 328 та реклама қонунчиликка тўғри келмайди — Ракобат комитаси

ОАВ томонидан ёритилаётган БФҚ (биологик фаол қўшимча)лар реклама қонунчилигига тўғри келмаслиги аниқланди. Бу ҳақда Рақобатни ривожлантириш ва истеъмолчилар ҳуқуқларини ҳимоя қилиш қўмитаси ахборот хизмати маълум қилди.

Ўзбекистон

08.11.2024, 11:26

Lotinchada

Улашиш:

OAVlar yoritayotgan 328 ta reklama qonunchilikka toʻgʻri kelmaydi — Rakobat komitasi

Қайд этилишича, қўмита томонидан оммавий ахборот воситалари ва ижтимоий тармоқлардаги реклама материалларининг қонун ҳужжатларига қай даражада риоя қилинаётгани кўздан кечирилган. Ўрганишлар давомида жорий йилнинг ўтган даври мобайнида жами 2205 та реклама ижтимоий тармоқларда айланаётгани аниқланган.

Шундан 328 та рекламада қонунчиликка номувофиқлик ҳолатлари кузатилиб, тегишли кўрсатмалар билан бартараф этилган. Шунингдек, қонунбузилиш ҳолатларини ихтиёрий бартараф этмаган хўжалик юритувчи субъектларга нисбатан иш қўзғатилган.

Андижон вилоятида фаолият юритувчи "Taraqqiyot TV" телеканали орқали "Қомус капсулалари" биологик фаол қўшимчаси рекламаси эълон қилинаётгани кузатилган. Мазкур реклама ўрганилганда унда чалғитувчи ва бўрттирувчи иборалар қўлланилгани аниқланган.

Сўнг ушбу телеканал "Реклама тўғрисида"ги қонуннинг 16-, 34- ва 35-моддалари талаблари бузганликда айбланиб, ҳудудий бошқарманинг махсус комиссияси томонидан "Таraqqiyot TV"га нисбатан иш қўзғатилган ва эфирида кетаётган маҳсулотининг рекламаси олиб ташланган.

Шу каби ҳолат Тошкент шаҳрида ҳам кузатилган. "Жит Здорово" газетасида чоп этилган "Neoflex" БФҚ рекламаси текширувдан ўтказилганда қонунбузарлик ҳолатлари юзага чиққан. Ҳудудий бошқарма махсус комиссияси томонидан "PAKSTAMPA" МЧЖга нисбатан жарима белгилаган ҳамда масъулларига нисбатан маъмурий чоралар кўллаган.

Шунингдек, Наманган вилояти ҳудудий бошқармаси томонидан "Mahalla" телеканали орқали "Фитоплюс" ҳамда "Геморроид" маҳсулотлари рекламасида ҳам қонун бузилиш ҳолатлари очиқланган. Сўнг ҳудудий бошқарманинг тегишли кўрсатмасига асосан "HERBAL MED" МЧЖ томонидан қонун талабларига зид бўлган ҳолатлар бартараф этилган.

Яна Самарқанд ва Сирдарё вилоятлари ҳудудида ҳам турли Telegram-каналлари ("Сирдарё мошина бозор", "Гулистонликлар Расмий", "Гулистон Olx Сирдарё ", "Самарқандликлар_Самарқанд24", "Самарқанд100", "Нуробод OLX") орқали биологик фаол қўшимчаларнинг ("Геморойдан халос этувчи", "Дисаар", "Stop diabet-No diabet") қонунга зид рекламалари тарқатилган ҳолатлар аниқланган. Сўнг канал админларига тушунтириш ва огоҳлантириш берилган ва реклама материаллари каналлардан олиб ташланган.

Ўзбекистон

08.11.2024, 11:26

Улашиш:

#ОАВ #реклама

мавзуга оид янгиликлар