#пора

Қорақалпоғистон Республикаси Беруний тумани ҳокимининг ўринбосари Тахиатош туманида фаолият олиб бораётган қизилмия илдизларини қайта ишлашга ихтисослашган МЧЖ раҳбарига қизилмия илдизини етиштириши учун Беруний тумани ҳудудидан 150 гектар ер майдони ажратиб бериш эвазига 12 минг АҚШ доллари олган вақтида ашёвий далиллар билан ушланди.

Тошкент вилоятининг Оҳангарон шаҳар ҳокимлигида бўлим бошлиғи лавозимида фаолият юритувчи мансабдор шахс хизмат мавқеидан фойдаланган ҳолда, ҳокимият балансига ўтказилиши режалаштирилаётган 3 хонали хонадонни суд тизимидаги танишлари орқали унинг номига расмийлаштириб беришни ваъда қилиб, фуқародан 18 минг 500 АҚШ доллар талаб қилиб, 9500 АҚШ доллари олаётган вақтида ашёвий далиллар билан қўлга тушди. Бу ҳақда Давлат хавфсизлик хизмати хабар қилди.

Урганч шаҳар прокуратураси катта терговчиси мансаб мавқеидан фойдаланиб, дастлабки тергов ҳаракатлари олиб борилаётган жиноят ишини айблов хулосаси билан судга юборилмасдан, терговда тугатиб бериш эвазига 3000 АҚШ доллари талаб қилган. Бу ҳақда Давлат хавфсизлик хизмати хабар қилди.

Давлат кадастр палатасининг Тошкент вилояти Оққўрғон тумани филиали кадастр муҳандиси ўз хизмат мавқеидан фойдаланиб, фуқаро томонидан ўзбошимчалик билан эгаллаб олинган 9 сотих ерни уй-жой қуриш учун рухсат олиб бериш эвазига 1200 АҚШ доллари талаб қилган. Бу ҳақда Давлат хавфсизлик хизмати хабар қилди.

Тошкент шаҳрида 2 нафар адвокат ва ҳуқуқшуноснинг ноқонуний қилмишлари Давлат хавфсизлик хизмати ходимлари томондан фош этилди.

Давлат хавфсизлиги хизмати ходимлари томонидан Тошкент ва Жиззах вилоятларида ҳоким ёрдамчиларининг ноқонуний ҳаракатларига чек қўйилди. 

6 ойда 47 нафар амалдор 600 минг АҚШ долларига яқин пора билан ушланди. Уларнинг орасида 2 та кадастр ходими, 5 та солиқ инспектори, 3 та  прокурор, 5 та ҳоким ёрдамчиси ва бир нафар ҳоким ҳам бор. 

Жорий йилнинг февраль ойида Бухоро вилояти Когон тумани прокурори Баҳодир Ғуломов катта миқдорда пора билан қўлга олинганди. Унинг иши 2 август куни жиноят ишлари бўйича Самарқанд шаҳар судида кўриб чиқилиб, суд ҳукми ўқилди. Бу ҳақда Олий суд матбуот котиби Азиз Обидов Paradigma.uz’га маълум қилди.