"200 кВт иши" бўйича апелация суди бўлиб ўтди. Энди иш Конституциявий судда кўрилиши мумкин. 23- июл куни Ўзбекистон Республикаси Олий судида "200 киловат иши" бўйича апелация суди бўлиб ўтди. Фуқаро Мардон Субханов Олий судга мурожаат қилиб, Вазирлар Маҳкамасининг 2024 йил 16 апрелдаги “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги 204-сонли Қарори билан тасдиқланган 2024 йил 1 майдан аҳоли учун электр энергияси ва табиий газ бир ойлик истеъмолининг базавий меъёрларини ҳақиқий эмас, деб топишни сўраб ариза киритган.
