May 2024

2023 yilning 1 oktabridan bugungi kunga qadar AQShning janubiy chegarasini 57 ming 200 nafar noqonuniy migrant kesib oʻtgan. Ularning 2900 nafarini Oʻzbekiston fuqarolari tashkil etadi.

Bugun, 27- may dushanba kuni, taʼlim muassasalarida belgilangan bir qancha imtihonlar boshqa sanaga qoldirilganligi aniqlandi. Buni «Paradigma.uz» ning bir qancha manbaalari tasdiqlamoqda.

Afgʻonistonning gʻarbiy Gʻor viloyatida 24 soat ichida kuchli yomgʻir va toshqinlar oqibatida kamida 50 kishi halok boʻldi, yana 10 kishi bedarak yoʻqoldi. Bu haqda shanba kuni mahalliy amaldor maʼlum qildi.

Isroilning Gʻazo sektori markazidagi Dayr al-Bala shahriga uyushtirgan havo hujumi oqibatida ikki shifokor halok boʻldi, deb xabar berdi Falastin rasmiy axborot agentligi WAFA.

Falastin sogʻliqni saqlash idoralari maʼlumotlariga koʻra, 7-oktabrdan beri Gʻazoda 34 700 nafardan oshiq falastinlik halok boʻlgan. Ularning aksariyati ayollar va bolalardir. 78 000 nafar fuqaro yaralangan.

Bugun Oʻzbekiston tarixidagi eng yirik texnogen fojialardan biri hisoblangan «Sardoba» suv ombori toʻgʻoni oʻpirilgan kun.2020 yil 1 may kuni soat 05:55 da Sirdaryo viloyatida joylashgan «Sardoba» suv ombori dambasining devorida suv sizib chiqib yaqin hududlardagi qishloq va mahallalarga zarar yetkazgan edi.  Suv omboriga yaqin hududdagi aholi evakuatsiya qilingan edi. Hukumat tomonidan esa fojia sabablarini oʻrganish maqsadida zudlik bilan komissiyasi tuzilgan, Prezident Shavkat Mirziyoyev  hodisa joyiga borgandi.