4 ta tumanga yangi hokim keldi

Mingbuloq tumani

Ahror Mansurov Namangan viloyati Mingbuloq tumaniga hokim etib tayinlandi. U 2014-2016 yillarda Namangan viloyati adliya boshqarmasida, 2016–2019 yillarda Namangan viloyati hokimligining Axborot-tahlil guruhi bosh mutaxassisi, guruh rahbari vazifalarida ishlagan.

2019–2021 yillarda esa Prezident administratsiyasi yetakchi inspektori lavozimida faoliyat yuritgan. Keyinchalik esa Namangan viloyati hokimi oʻrinbosari, shuningdek, Toʻraqoʻrgʻon tumani hokimi boʻlgan.

Furqat tumani 

Elyor Asronkulov Fargʻona viloyati Furqat tumaniga hokim etib tayinlandi. Bundan oldin u Ijtimoiy himoya milliy agentligining Fargʻona viloyati boshqarmasi boshligʻi vazifasida faoliyat olib borgan. 

Toshkent tumani 

Sardor Ergashov Toshkent viloyatining Toshkent tumaniga hokim etib tayinlandi. 

Ushbu lavozimdan oldin Ergashov Toshkent tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – tuman iqtisodiy taraqqiyot va kambagʻallikni qisqartirish boʻlimi boshligʻi, Ijtimoiy himoya milliy agentligining Toshkent viloyati boshqarmasi boshligʻi kabi vazifalarda ishlagan. 

Taxiatosh tumaniga 

Kamiljan Aytbayev  Qoraqalpogʻiston Respublikasining Taxiatosh tumaniga hokim etib tayinlandi. 

Bundan oldin, u Amudaryo tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat olib borgan.