Avtomobil egalarining «majburiy sugʻurta»si narxlari oshiriladi

2026 yil yanvar oyidan transport vositalari egalarining fuqarolik javobgarligini majburiy sugʻurta qilish uchun yangi tariflar kuchga kiradi.

Bu borada Vazirlar Mahkamasining 2025 yil 23 iyuldagi 458-sonli qarori qabul qilingan.

Unga koʻra, haydovchilar soni cheklangan polis narxlari:

Toshkent shahri va Toshkent viloyati uchun: 

yengil avtomobil uchun - 192 000 soʻm;

yuk avtomobil uchun 336 000 soʻm.

Qolgan viloyatlar va Qoraqalpogʻiston Respublikasi uchun:

yengil avtomobil uchun - 160 000 soʻm;

yuk avtomobil uchun 280 000 soʻm.

Chet davlatlardan kirib kelayotgan transport vositalari uchun:

yengil avtomobil uchun - 320 000 soʻm;

yuk avtomobil uchun 560 000 soʻm.

Cheklovsiz polis sotib olish uchun esa mazkur narxlar ikki barobar oshirilib toʻlanishi lozim.

Shuningdek, qaror bilan 2026 yil 1 yanvardan boshlab transport vositalari egalarining fuqarolik javobgarligini majburiy sugʻurta qilish boʻyicha sugʻurta summasini 80 mln soʻmgacha (amalda 40 mln soʻm) oshirilishi belgilandi. Hujjatda, bu oʻz navbatida, YTH natijasida jabrlangan shaxslarning mol-mulkiga, hayotiga va sogʻligʻiga yetkazilgan zarar miqdorini qoplash uchun yoʻnaltiriladigan mablagʻning bugungi kun talabiga mos ravishda boʻlishiga xizmat qilishi aytiladi.