Dunyo pasportlari reytingi: Oʻzbekiston nechanchi pogʻonada?

Unda Oʻzbekiston 82-oʻrinni egalladi. Qoʻshni Qozogʻiston 67-oʻrinni, Qirgʻiziston esa 81-oʻrinni egallagan.

Reytingda Singapur birinchi oʻrinda qolmoqda, Qoʻshma Shtatlar esa ilk bor 12-oʻrinni egallab, kuchli oʻntalikdan tushib qoldi. Rossiya pasporti ham oʻz oʻrnini yoʻqotib, 46-oʻrindan 50-oʻringa tushib ketdi – eng katta hududga ega davlat Venesuela va Moldovadan keyin joylashgan.

2025 yilgi pasport indeksida birinchi uch oʻrinni Osiyo davlatlari egallagan: Singapur birinchi oʻrinda, davlat fuqarolari 227 mamlakatdan 193 tasiga vizasiz tashrif buyurishlari mumkin. Ikkinchi oʻrinda Janubiy Koreya (190 mamlakat), uchinchi oʻrinda Yaponiya (189 mamlakat).

Henley & Partnersʼning taʼkidlashicha, "20 yil oldin Henley Passport Index joriy etilganidan beri birinchi marta AQSh dunyoning eng kuchli 10 ta pasporti qatoriga kirmaydi". 2014 yil indeksida birinchi oʻrinni egallagan AQSh pasporti endilikda 12-oʻringa tushib ketdi va Malayziya bilan bir xil natija qayd etdi.