Iyul va avgust oyidan ish haqi va pensiyalar oshiriladi

Farmonda aholi turmush darajasini oshirish, daromadlar oʻsishini taʼminlash va ijtimoiy muhofaza tizimini mustahkamlashga qaratilgan aniq chora-tadbirlar belgilab qoʻyildi.

Farmonga koʻra, 2025 yil 1 iyuldan boshlab:

Yoshga doir eng kam pensiya miqdori oyiga 918 000 soʻm;

Nogironlik pensiyalarining eng kam miqdori — 1 012 000 soʻm etib belgilanadi.

Kam taʼminlangan oilalar uchun bolalar nafaqasi va moddiy yordam summalari qayta koʻrib chiqildi:

3 yoshgacha boʻlgan har bir bola uchun — 360 000 soʻm,

3 yoshdan 18 yoshgacha boʻlgan bola uchun — 275 000 soʻm,

Ikkinchi farzand uchun qoʻshimcha — 165 000 soʻm,

Uchinchi va undan keyingi har bir farzand uchun — 110 000 soʻm,

Kam taʼminlangan oilalar uchun moddiy yordam — 420 000 soʻm etib belgilandi.

Shuningdek, 1 avgustdan boshlab byudjet tashkilotlari xodimlarining ish haqi va talabalar stipendiyasi 10 foizga oshiriladi. Bu esa davlat muassasalarida mehnat qilayotgan minglab xodimlarning daromadlariga bevosita ijobiy taʼsir koʻrsatishi kutilmoqda.

Pensiyani hisoblashning bazaviy miqdori 1 iyuldan boshlab 471 000 soʻm etib belgilangan.

1 avgustdan esa:

Mehnatga haq toʻlashning eng kam miqdori — 1 271 000 soʻm,

Bazaviy hisoblash miqdori — 412 000 soʻm boʻladi.

Bu koʻrsatkichlar turli davlat xizmatlari, jarimalar va boshqa moliyaviy hisob-kitoblar uchun asos boʻlib xizmat qiladi.

Frammoning ijrosini taʼminlash uchun Bosh vazir Abdulla Aripov tayinlangan.