Hormuzdagi hujumlar neft qazib oliş hajmiga ta’sir etdimi?

Hormuz böğozida kemalarga hujumlar davom etayotganiga qaramay, işlab çiqariş tiklanmoqda.

OPEC+ning çorşanba kuni e’lon qilingan oylik hisobotiga köra, taşkilot oktyabr oyida kuniga örtaça 41,23 million barrel neft qazib olgan. Bu sentyabr oyidagi körsatkiçdan 2,04 million barrelga köp. 2025 yilda, uruş boşlanişidan oldin esa kunlik işlab çiqariş örtaça 41,98 million barrelni taşkil etgan.

Işlab çiqariş hajmining tiklanişiga asosan Fors körfazi mamlakatlari hissa qöşgan. Ikkilamçi manbalar ma’lumotlariga köra, Saudiya Arabistonida neft qazib oliş kuniga 1,18 million barrelga oşib, 9,19 million barrelga yetgan. Biroq Ar-Riyod öz hisobotida bu körsatkiçni 10,56 million barrel deb keltirgan.

Iroqda kunlik işlab çiqariş 496 ming barrelga oşib, 4,49 million barrelni taşkil etgan. Quvayt esa qazib oliş hajmini 232 ming barrelga köpaytirgan.

Birlaşgan Arab Amirliklarida neft işlab çiqariş kuniga 4 million barreldan oşgan. Bu 2025 yildagi örtaça 3,17 million barrellik körsatkiçdan ança yuqori.

Ayni paytda Eronda neft qazib oliş yana kamayib, kuniga 1,91 million barrelni taşkil etgan. Ötgan yili bu körsatkiç örtaça 3,26 million barrel bölgan.

Hisobotda ta’kidlanişiça, fevral oyidan sentyabr oyigaça davom etgan uruş oqibatida jahon neft zaxiralari 537 million barrelga kamaygan. Oktyabr oyida neft taşuvçi tankerlar uçun fraxt narxlari rekord darajaga yetgan. Eng yirik neft taşuvçi kemalar uçun taşiş tariflari bir yil avvalgiga nisbatan 10 baravardan köproq oşgan.

Bu jarayonlar Hormuz böğozidagi keskinlik saqlanib qolayotgan bir paytda yuz bermoqda. Eron şu hafta yana bir neçta tanker dengiz minalariga duç kelganini ma’lum qildi. Tehron böğozdan ötuvçi kemalar Eron kuçlari bilan muvofiqlaştirilgan holda harakatlanişi kerakligini bildirmoqda.