"Mufassa" Sodiqovaga 25 million soʻm toʻlaydigan boʻldi

Joriy yilning fevral oyida, jurnalist Anora Sodiqova Facebook tarmogʻida "jurnaj…." deb haqorat qilgani uchun bloger hamda Toshkent viloyati hokimligi xodimi Mirsaid Haydarov (Mufassa)ni sudga bergan edi. 

Joriy yilning 28 may kuni Fuqarolik ishlari boʻyicha Toshkent shahar Shayxontohur tumanlararo sudi Haydarovning postlarini haqorat deb topgan, biroq bu haqoratlar Sodiqovaga qaratilmagan deb qaror qabul qilgan edi. Shundan soʻng jurnalist Sodiqova appelyatsiya sudiga murojaat qilgan.

Fuqarolik ishlari boʻyicha Toshkent shahar sudi Anora Sodiqova daʼvosi yuzasidan Shayxontohur tumani sudi chiqargan qarorni bekor qildi. Appelyatsiya sudi Anora Sodiqova va Uzdiplomat.uz'ni yoqlab, bloger Mirsaid Haydarov 25 million maʼnaviy zarar toʻlaydi!

"Postlarida “jurnajalap” soʻzini ishlatgani va bu Anora Sodiqovaga qaratilgani bois bloger Mufasa 25 million soʻm maʼnaviy zarar va 5 million soʻm boshqa zararlarni qoplaydi. U Anoradan uzr soʻrab, postlarini oʻchiradi", —  deb yozadi Inson huquqlari faoli “ezgulik” jamiyati raisi Abdurahmon Tashanov Facebook saifasida.

Tashanov aytganidek, Adolat bor! Uning uchun kurashish kerak!