Odam savdosi bilan shugʻullangan “Sonya” Turkiyadan deportatsiya qilindi

Qayd etilishicha, 1974 yilda tugʻilgan Raxmatova Sanobar odam savdosi jinoyatini sodir etganlikda ayblanib qidiruvga berilgan.

U 2013–2015 yillarda Bangkok shahrida fohishaxona tashkil etib, vatandosh ayollarni yuqori daromadli ish vaʼdasi bilan aldab, Qozogʻiston orqali Tailandga olib borib fohishalik qilishga majburlagan jinoiy guruh tarkibida faol ishtirok etganlikda ayblangan.

“Mazkur shaxsning noqonuniy xatti-harakatlaridan jabrlangan fuqarolarni Oʻzbekiston Respublikasi Ichki ishlar vazirligi yoki uning quyi tizimlariga, shuningdek, Istanbuldagi Bosh konsulxonaga murojaat qilishga chaqiramiz.

Shu bilan birga, soʻnggi vaqtlarda firibgarlik holatlari boʻyicha murojaatlar koʻpaygani sababli, fuqarolarimizni firibgarlarga aldanib qolmasliklarini va ogoh boʻlishlarini soʻraymiz”, — deyiladi konsulxona xabarida.