Oʻzbekiston oʻzi mezbonlik qilayotgan Osiyo chempionatidan chetlashtirildi

Oʻzbekiston terma jamoasi gandbolchi qizlari guruhda ikkinchi oʻrinni qoʻlga kiritgan holda, yarim finalga yoʻl olgani va shu bilan birga Jahon chempionati yoʻllanmasiga ega chiqqani edi.

Biroq, bugun tarqalgan maʼlumotlarga koʻra, terma jamoamiz diskvalifikatsiya qilingan. Oʻzbekiston oʻrniga Xitoy Taypeyi terma jamoasi yarim final yoʻllanmasiga ega boʻlgan.

Oʻzbekiston gandbol federatsiyasi matbuot xizmati hozircha ushbu vaziyat yuzasidan izoh bermadi.

“Olamsport” nashrining yozishicha, Oʻzbekiston terma jamoasi ishtirokidagi oʻyinlar natijalari bekor qilingan. Guruh jadvaliga ham shunga yarasha oʻzgartirilgan.

Maʼlumot uchun, bunga qadar Oʻzbekiston terma jamoasi A guruhida ikkinchi oʻrin bilan 1/2 finalga yoʻl olgan edi. Reglamentga koʻra, yarim finalga yetib kelgan 4 terma jamoa jahon chempionati chiptasiga ega chiqadi.