Qamchiq dovonidagi tirbandlik qachon hal etiladi?

Bu esa haydovchilar va yoʻlovchilarning tirbandlikda qolib ketishiga, ularga noqulaylik tugʻdirishiga sabab boʻlmoqda.

Oliy Majlis Qonunchilik palatasi deputati Dilnoza Azizova joylarda oʻtkazilgan ochiq muloqotlarda saylovchilar tomonidan bu muammo haqidagi murojaatlarni tinglab, vaziyatni oʻrgandi. Muammoni hal etish zaruratidan kelib chiqib, transport vaziri Ilhom Mahkamovga deputatlik soʻrovi yubordi.

Soʻrovda minglab haydovchi va yoʻlovchilar tirbandlikda qiynalib kelayotgani qayd etilib, nega qurilish jarayoni sust olib borilayotgani, ushbu yoʻl qachon bitishi haqida izoh soʻralgan.

Qamchiq dovoni — Fargʻona vodiysini mamlakatning boshqa hududlari bilan bogʻlab turuvchi muhim yoʻl. Shuning uchun bu faqat bir nechta tuman yoki haydovchilar muammosi emas, muhim ahamiyatga ega masala.

Deputat soʻrovida koʻtarilgan yoʻl muammosi xalq manfaati yoʻlidagi dolzarb masaladir. Shunday ekan, masʼullarning javobini kuzatib boramiz.