Qashqadaryoda ichida yoʻlovchilari bo'lgan mashinani tosh bosib qoldi

Qayd etilishicha, voqea viloyatning Kitob tumani "Qaynar" MFY Qaynar qishlogʻining M-39 Toshkent –Termiz avtomobil yoʻli Taxtaqoracha devonining 1137-kilometrida yuz bergan. 

Shu yoʻl boʻylab Samarqand shahri tomon harakatlanib ketayotgan "Cobalt" mashinasi ustiga togʻ tepaligidan sirpanib kelayotgan tosh tushib, avtomobilni bosib qoladi. Buning oqibatida mashina ichidagi uch nafar fuqaro halok boʻlgan. 

Rasmiylarning maʼlum qilinishicha, yuqoridagi voqea sodir boʻlganidan soʻng hodisa joyiga Favqulodda vaziyatlar vazirligi, Ichki ishlar vazirligining Yoʻl harakati xavfsizligi xizmati, prokuratura xodimlari yetib kelgan va Taxtaqoracha dovonida transport vositalarining harakati cheklanib qoʻygan. 

"Keyin voqea oqibatlarini bartaraf etish uchun zaruriy choralar koʻrilib, dovon yoʻlida transport vositalarining harakatiga ruxsat berildi", deyiladi xabarda.  

Eslatib oʻtamiz, joriy yilning 5 noyabr kuni Qamchiq dovonidan harakatlanib kelayotgan yuk mashinasi yonib ketgan edi.