Suzish federatsiyasi mansabdorlari 2 mlrd soʻmdan ziyod mablagʻni "yeb yubordi"

Unga koʻra, Oʻzbekiston suzish federatsiyasi mansabdor shaxslari tomonidan suzish sporti uchun ajratilgan mablagʻlar hisobidan terma jamoa aʼzosi boʻlmagan, aslida federatsiya bosh kotibi A.G.ning oila aʼzolari — N.G., M.G. va boshqa jami 15 nafar fuqarolarni Turkiya davlatiga dam olishga yuborilgan.

Federatsiyaga bu ish jami 405 mln soʻm mablagʻga tushgan. Shuningdek, amalda oʻtilmagan oʻquv-mashgʻulot yigʻinlar uchun soxta buyruqlar asosida 458 mln soʻm mablagʻlar oʻzlashtirilgan. 

Bundan tashqari, federatsiyaga xalqaro musobaqa va oʻquv-mashgʻulotlari oʻtkazish uchun homiylar tomonidan ajratilgan 1,2 mlrd soʻm mablagʻlar maqsadsiz sarflanib, talon-toroj qilingan. 

Hozirda aniqlangan holat yuzasidan jinoyat ishi qoʻzgʻatilib, dastlabki tergov harakatlari olib borilmoqda.