Toshkent–Abakan yoʻnalishida toʻgʻridan-toʻgʻri aviareyslarni yoʻlga qoʻyiladi

Muloqot chogʻida ikki tomonlama munosabatlarni mustahkamlash, savdo-iqtisodiy va boshqa muhim yoʻnalishlarda qoʻshma loyihalarni amalga oshirish masalalari muhokama qilindi.

Xakasiya rahbari Oʻzbekiston respublikaning doimiy savdo sherigi va MDH davlatlari orasida tashqi savdo aylanmasi boʻyicha yetakchi ekanligini maʼlum qildi. "Biz hamkorlikni yanada kengaytirishga qatʼiy qaror qilganmiz", - dedi u.

Tomonlar qishloq xoʻjaligi, chorvachilik, oziq-ovqat sanoati, turizm, madaniyat va taʼlim sohalarida oʻzaro manfaatli hamkorlikni rivojlantirish istiqbollari xususida fikr almashdilar.

Shuningdek, sanoat kooperatsiyasini kengaytirish, Oʻzbekiston hududlari, xususan, Fargʻona viloyati va Xakasiya Respublikasi ishbilarmon doiralari vakillari ishtirokida iqtisodiy tadbirlarni oʻtkazishga alohida eʼtibor qaratildi.

Tomonlar Toshkent–Abakan yoʻnalishida toʻgʻridan-toʻgʻri aviareyslarni yoʻlga qoʻyish, Xakasiyada Oʻzbekiston madaniyati kunlari va Oʻzbekistonda Xakasiya Respublikasi kunlarini oʻtkazish tashabbusini qoʻllab-quvvatladilar.